1 Samyel 2:18 - Labib An Kreol Seselwa

¹⁸ Sa pti garson, Samyel, abiye dan en lefod fer avek latwal linenn, ti kontinyen servi SENYER.

1 Samyel 2:18 ပူးပေါင်းရင်းမြစ်များ

2 Samyel 6:14

David ti danse avek tou son lafors devan SENYER avek en lefod linenn otour li.

1 Kronik 15:27

David ti met li en rob linenn, ensi tou ki bann Levit ki ti pe anmenn Kof Lalyans, bann santer ek Kenaya, sef lanmizik; David ti osi met en lefod fer avek latwal linenn.

Egzod 28:4

La bann labiyman ki zot ava fer: En pektoral, en lefod, en rob, en rob brode, en tirban ek en sentir. Zot ava fabrik sa bann ornman sakre pour ou frer Aaron ek son bann garson pour zot servi mwan koman pret.

Levitik 8:7

I ti met Aaron en semiz, anmar en sentir otour son leren, met li son rob avek lefod lo la, e anmar son sentir par deryer.

1 Samyel 14:3

Ahiya, garson Ahitoub frer Ikabod, garson Fineas, garson Eli, pret SENYER dan Silo ki ti met lefod. Bann zonm pa ti konnen ki Zonatan ti'n ale.

1 Samyel 2:11

Elkana ti retourn kot li Rama, me sa pti garson ti reste pour servi SENYER anba sirveyans pret Eli.

1 Samyel 2:28

Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.

1 Samyel 22:18

Alor, lerwa ti dir Doeg, “Ale ou! Touy bann pret.” Doeg, sa Edomit, ti al touy sa bann pret. Sa zour, i ti touy 85 zonm ki port lefod linenn.

1 Samyel 3:1

Sa zenn garson, Samyel, ti kontinyen servi SENYER anba sirveyans Eli. Dan sa lepok, mesaz sorti kot SENYER ti rar; i ti pa souvan kominik par vizyon.