1 Samyel 2:10 - Labib An Kreol Seselwa

¹⁰ Bann lennmi SENYER pou ganny detri. I pou kraz zot avek loraz sorti dan lesyel; SENYER pou ziz later antye. I pou donn pwisans son lerwa, ogmant pouvwar sa enn ki'n resevwar son lonksyon.

1 Samyel 2:10 ပူးပေါင်းရင်းမြစ်များ

2 Samyel 22:14

Dan lesyel, lavwa SENYER ti rezonnen parey loraz.

2 Samyel 7:13

Li menm ki pou konstri en lakaz an mon non, e mon pou etabli son tronn rwayal pour touzour.

2 Samyel 7:8

Aprezan, al dir mon serviter David: La sa ki SENYER liniver i deklare: Mwan ki'n tir ou dan laplenn zerb deryer bann troupo, pour ou vin sef mon pep, Izrael.

Liv Zob 40:9

Eski ou lebra i osi for ki Bondye? Eski ou lavwa i rezonnen dan loraz parey pour li?

Psonm 132:17

La, mon pou fer sorti en gran lerwa dan fanmir David. Mon pou prepar en lalanp pour sa enn ki mon'n konsakre.

Psonm 148:14

In rann son pep son lafors. Son bann fidel i sant son louanz. Pep Izrael i en pep pros avek li. Loue SENYER!

Psonm 2:2

Bann lerwa lo later, zot pran zot pozisyon; bann dirizan, zot fer konplo ant zot kont SENYER ek sa enn ki i'n swazir. Zot dir:

Psonm 2:6

Mwan ki'n etabli mon lerwa lo Siyon, mon montanny sen.

Psonm 2:9

Ou pou diriz zot avek en baton an fer; ou pou kas zot an morso parey en po later.

Psonm 20:6

Aprezan, mon konnen ki SENYER pou sov sa enn ki i'n konsakre. Depi son sanktyer dan lesyel, i pou reponn li e donn li gran laviktwar par lafors son lanmen drwat.

Psonm 20:7

Serten i kont lo zot kales lager; lezot lo zot seval. Me nou, nou met nou konfyans dan SENYER nou Bondye.

Psonm 21:1

SENYER! Lerwa i dan lazwa akoz ou for. I tre zwaye ou'n sekour li.

Psonm 28:8

SENYER i lafors son pep; i defann li e i sov sa enn ki i'n konsakre.

Psonm 45:7

Ou kontan lazistis e ou deteste sa ki mal. Pour sa rezon, Bondye, ou Bondye, in vers delwil lonksyon lo ou latet. In prefer swazir ou parmi lezot lerwa.

Psonm 89:17

Ou menm ki donn zot laglwar par ou pwisans; ou faver i fer zot relev latet.

Psonm 89:24

Mon fidelite ek mon lanmour pou touzour avek li; mon pou touzour fer li sorti venker.

Psonm 89:25

Mon pou donn li lotorite lo lanmer e lo bann gran larivyer.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Egzod 15:6

Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Eklezyas 11:9

Ou ki ankor zenn, profit byen bann lannen ou lazenes. Viv ere pandan ki ou ankor zenn. Fer tou sa ki ou kontan, e tou sa ki donn ou plezir. Me ou bezwen konnen ki Bondye pou ziz tou ou bann aksyon.

Eklezyas 12:14

Akoz Bondye pou ziz tou keksoz ki nou'n fer, tou sa ki dan kasyet, byen ou mal.

Ezai 29:6

SENYER liniver pou azir dan loraz, tranblemandter dan gro tapaz dan gro divan tanpet ek laflanm dife ki bril tou dan son pasaz.

Ezai 32:1

Alor, en lerwa pou rennyen dapre lazistis e bann sef pou gouvern dapre lalwa.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezekyel 29:21

Kan sa zour i arive, mon pou donn pep Izrael nouvo lafors; mon pou ouver ou labous pour ou kapab koz ankor parmi zot. Alor, zot ava konnen ki mwan menm SENYER.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Levanzil dapre Lik 1:69

I'n anvoy en pwisan sover pour nou, sorti parmi desandan lerwa David, son serviter.

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Akt de Zapot 4:27

Annefe, i byen vre ki Herod ek Pons-Pilat ti ini ansanm dan sa lavil, avek bann nasyon etranze ek pep Izrael, kont Zezi, ou sen serviter ki ou'n konsakre.

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.

1 Samyel 12:13

Aprezan, la lerwa ki zot in swazir, sa enn ki zot in demande. SENYER in donn zot en lerwa.

1 Samyel 12:17

Ozordi, pa i zour rekolt dible? Mon pou enplor SENYER e i pou fer loraz gronnyen e fer tonbe lapli. Alor, zot ava konpran ki zot in tre mal azir devan SENYER an demandan en lerwa.

1 Samyel 12:18

Samyel ti priy SENYER. Menm zour, SENYER ti anvoy loraz ek lapli. Tou lepep ti annan gran respe SENYER ek Samyel.

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”

1 Samyel 15:28

Samyel ti dir, “Ozordi, SENYER in desir rwayonm Izrael, pour li pran avek ou, e donn li avek en lot ki meyer ki ou.

1 Samyel 16:1

SENYER ti dir Samyel, “Ziska kan ou pou pler Sail? Mwan, mon'n rezet li koman lerwa Izrael. Ranpli ou korn avek delwil e ale. Mon anvoy ou kot Zese en zabitan Betlehenm, akoz mon'n war mon lerwa parmi son bann zanfan.”

1 Samyel 7:10

Pandan ki Samyel ti pe ofer sakrifis, bann Filisten ti aprose pour atak pep Izrael. Sa zour, SENYER ti anvoy gro loraz ki ti fer en kantite fraka e met konfizyon parmi larme Filisten. Pep Izrael ti bat zot.