1 Samyel 17:34 - Labib An Kreol Seselwa

³⁴ David ti dir Sail, “Mon abitye vey troupo mon papa. Ler en lyon oubyen en lours ti vin pran en mouton dan troupo,

1 Samyel 17:34 ပူးပေါင်းရင်းမြစ်များ

Zenez 31:39

Mon pa ti anmenn kot ou, okenn zannimo desire par bebet sovaz. Mon ti kouver tou fre mwan menm. Mon ti pran responsabilite, menm si i ti ganny vole aswar oubyen lizour.

2 Samyel 17:8

I ti azoute, “Ou konn tre byen ou papa ek son bann zonm: Zot bann gerye; zot ankoler parey en lours ki'n perdi son piti dan lakanpanny. Ou papa i en gerye; i pa pou pas lannwit avek lepep.

2 Samyel 23:20

Sorti Kabseel, Benaya, garson Yoyada, ti en zonm valer ki ti akonpli bokou bann aksyon ekstraordiner. I ti touy sa de konbatan sorti Moab; en zour ki lannez ti pe tonbe, i ti desann dan en sitern kot i ti touy en lyon.

1 Kronik 11:22

Benaya, garson Yoyada en zabitan Kabseel, en zonm brav ki'n fer en kantite gran keksoz. Li menm ki ti touy sa de gran gerye Moab. Li menm ki ti desann dan en trou pour touy en lyon, en zour ki lannez ti'n tonbe.

Psonm 143:5

Mon mazin letan pase; mon medit lo ou bann mervey; mon reflesir lo louvraz ou lanmen.

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Amos 3:12

La sa ki SENYER i deklare: Parey en berze i aras dan lagel en lyon de lapat oubyen zis en bout zorey en mouton, konmsa menm, ki pep Izrael ki viv dan Samari, pou ganny sove, pandan ki i akroupi dan zot sofa, oubyen lo zot kousen dan lili.

Zakari 11:16

Annefe, mon pe al swazir dan pei, en berze ki pa pran swen bann mouton ki pe mor, oubyen al rod sa enn ki'n perdi. I pa pou pran swen sa enn ki'n ganny blese, oubyen angres sa enn ki an bonn sante. Me, i pou devor sa bann ki byen gra e i pou fann zot sabo.

Zakari 9:7

Mon pou tir disan dan son labous e restan manze degoutan dan son ledan. Alor, li osi, i pou fer parti sa restan pep nou Bondye; i pou annan son plas dan tribi Zida. Zabitan Ekronn pou vin parey bann Zebizit.

Levanzil dapre Lik 2:8

Dan sa menm rezyon, ti annan bann berze. Zot ti pe pas lannwit deor pou vey zot troupo mouton.

Levanzil dapre Zan 10:11

Mwan menm bon berze. Bon berze i donn son lavi pour son bann mouton.

Romen 5:4

lapasyans i prodwi fidelite malgre leprev, e fidelite i prodwi lesperans.

Ebre 11:33

Par lafwa, zot ti ganny laviktwar lo bann rwayonm; zot ti etabli lazistis e ganny sa ki Bondye ti'n promet: I ti ferm lagel bann lyon,

Revelasyon 13:2

Sa bebet ki mon ti war, ti resanble en leopar. Son bann lapat ti parey lapat en lours e son lagel ti parey lagel en lyon. Dragon ti donn li tou son pwisans, son tronn ek en gran pouvwar.

Ziz 14:6

Lespri SENYER ti pran kontrol Sanmson. Avek son lanmen pir, i ti desir sa lyon an de parey ler ou desir en pti kabri. Me i pa ti rakont son papa ni son manman sa ki i ti'n fer.

1 Samyel 17:15

Sa trwa pli gran ti swiv Sail, me David ti retournen pour al gard bann mouton son papa Betlehenm.

1 Samyel 17:33

Sail ti dir David, “Ou pa kapab al lager kont sa Filisten. Ou zis en zenn garson; li, i en solda depi son zenes.”

1 Samyel 17:35

mon ti tay deryer li, mon ti ansonm li e delivre sa mouton dan son lagel. Si i ti atak mwan, mon ti atrap li par son labarb e touy li.