1 Samyel 15:3 - Labib An Kreol Seselwa

³ Aprezan, al atak Amalek e detri konpletman tou sa ki i annan; ou pa pou eparny li; ou ava touy zonm ek fanm, zanfan ek pti baba, bef, mouton ek kabri, samo ek bourik.”

1 Samyel 15:3 ပူးပေါင်းရင်းမြစ်များ

Zenez 36:12

Timna, menazer Elifaz, garson Ezai ti ganny Amalek pour Elifaz. Sa ti non bann garson Ada, fanm Ezai.

2 Samyel 1:8

I ti demann mwan, “Ou ki ou?” Mon ti reponn, “Mon en Amalesit.”

Egzod 17:14

SENYER ti dir Moiz, “Ekri sa koman en souvenir e fer Zozye konnen ki mon pou fer disparet bann Amalesit konpletman anba lesyel.”

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Nonm 24:20

Dan son vizyon, Balaanm ti war bann Amalesit. I ti fer son prediksyon: Amalek i nasyon pli pwisan. Me finalman, i pou ganny detri.

Nonm 31:17

Aprezan, al touy tou bann zenn garson ek tou bann fanm ki'n deza dormi avek en zonm.

Zozye 10:39

I ti kaptir sa lavil, son lerwa ek tou bann lavil depandan. Zot ti masakre tou bann et vivan ki ti annan. I pa ti les okenn sirvivan. I ti tret Debir ek son lerwa, parey i ti'n tret Hebron, Libna ek zot lerwa.

1 Samyel 14:48

I ti lager avek kouraz, bat Amalek, e delivre Izrael kont bann ki ti pe depouy zot.

1 Samyel 15:18

SENYER in anvoy ou an dizan: Ale e detri konpletman sa bann peser, pep Amalesit e lager kont zot, ziska ki zot ganny eksterminen.

1 Samyel 15:9

Sail avek son bann zonm ti eparny lavi Agag, e bann meyer mouton ek bef, bann zannimo gra, bann zenn mouton, e tou sa ki ti bon; i pa ti detri zot, me tou sa ki ti enferyer e san valer, ti ganny konpletman detri.

1 Samyel 22:19

I ti masakre tou bann zabitan dan Nob, lavil bann pret. I ti touy zonm koman fanm, zanfan ek pti baba, bef, bourik, mouton ek kabri. I ti touy tou.

1 Samyel 27:9

David ek son bann zonm ti al fer bann latak; zot pa ti kit personn vivan, ni zonm, ni fanm. Zot ti anmenn tou mouton, bef, kabri, bourik, samo ek lenz; apre, zot ti retourn kot Akis.

1 Samyel 30:17

David ti atak zot, e bat zot depi bomaten ziska lannmen swar. Personn pa ti sape, eksepte 400 zennzan ki ti reisi sove lo samo.