1 Samyel 14:3 - Labib An Kreol Seselwa

³ Ahiya, garson Ahitoub frer Ikabod, garson Fineas, garson Eli, pret SENYER dan Silo ki ti met lefod. Bann zonm pa ti konnen ki Zonatan ti'n ale.

1 Samyel 14:3 ပူးပေါင်းရင်းမြစ်များ

1 Samyel 1:3

Toulezan, sa Elkana ti kit son lavil e mont dan tanp Silo pour al adore e ofer sakrifis SENYER liniver. Sa ti tanp kot de garson Eli, Hofni ek Fineas ti pret devan SENYER.

1 Samyel 14:36

Sail ti dir, “Annou desann e atak bann Filisten pandan lannwit e depouy zot ziska granmaten; fodre pa i reste en sel zonm parmi zot.” Zot ti dir, “Fer tou sa ki fer ou plezir.” Alor en pret ti dir, “Annou konsilte Bondye isi.”

1 Samyel 2:18

Sa pti garson, Samyel, abiye dan en lefod fer avek latwal linenn, ti kontinyen servi SENYER.

1 Samyel 2:28

Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.

1 Samyel 22:20

Enn parmi bann garson Ahimelek, garson Ahitoub, ki ti apel Abiatar, ti sove pour al zwenn David.

1 Samyel 4:21

I ti apel sa zanfan Ikabod an dizan: Laglwar in kit Izrael. Sa akoz Kof lalyans Bondye ti'n ganny sezi e ki son boper ek son mari ti'n mor.

1 Samyel 4:4

Lepep ti anvoy en group zonm Silo, pour al sers Kof lalyans Bondye liniver ki son tronn i ant bann seriben. De garson Eli, Hofni ek Fineas ti akonpanny Kof lalyans Bondye.