1 Samyel 13:4 - Labib An Kreol Seselwa

⁴ Izrael antye ti tande sa ki ti ganny dir: Sail in defet latroup bann Filisten e bann Filisten i nepli konnen ki pou fer avek zot. Lepep ti ralye deryer Sail dan Gilgal.

1 Samyel 13:4 ပူးပေါင်းရင်းမြစ်များ

Zenez 34:30

Zakob ti dir Simeon ek Levi, “Zot in anmenn problenm lo mwan par sa aksyon avek bann Kananeen, ek bann Perizit. Napa bokou nou, e si zot rasanble kont mwan e atak mwan, mon pou ganny detri avek tou mon fanmir.”

Zenez 46:34

zot ava dir li: Ou bann serviter in gardyen zannimo depi nou lazenes, parey nou bann zanset. Konmsa, i ava les zot reste Gosenn akoz bann Ezipsyen pa ti kontan bann berze.”

2 Samyel 10:6

Ler bann Amonit ti rekonnet ki zot ti'n ofans David en kantite, zot ti angaz 20,000 solda Siriyen sorti Bet-Rehob ek Soba, 1,000 zonm dan larme lerwa Maaka e 12,000 sorti kot bann zabitan Tob.

Egzod 5:21

Zot ti dir Moiz ek Aaron, “SENYER i war sa ki zot in fer, e i ava ziz zot. Zot in fer Faraon avek son bann serviter deteste nou. Ou'n met en lepe dan zot lanmen pour touy nou.”

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Zozye 5:9

SENYER ti dir Zozye, “Ozordi mon'n roul dezoner Lezip, lwen avek zot.” Pour sa rezon, sa landrwa in ganny apele Gilgal, ziska ozordi.

1 Samyel 10:8

Ou ava desann avan mwan Gilgal. Mwan, mon ava desann kot ou pour ofer sakrifis konplet ek bann sakrifis lape. Ou ava esper mwan set zour ziska ki mon ariv kot ou e mon ava fer ou konnen ki ou pou fer.”

1 Samyel 27:12

Akis ti annan konfyans dan David, e i ti mazinen dan li menm: David in fer lennmi parmi son prop pep Izrael; e i reste mon zonm pour touzour.