1 Samyel 12:9 - Labib An Kreol Seselwa

⁹ Me zot ti oubliy SENYER, zot Bondye, ki ti vann zot avek Sisera, sef larme Hasor, avek bann Filisten e avek lerwa Moab, ki ti lager kont zot.

1 Samyel 12:9 ပူးပေါင်းရင်းမြစ်များ

2 Samyel 7:11

Depi zour ki mon ti etabli bann ziz lo Izrael, mon pep, mon'n donn ou en repo e delivre ou avek ou bann lennmi. Aprezan, SENYER in anons ou: Mwan SENYER ki pou etabli en desandans pour ou.

Psonm 106:21

Zot ti'n oubliy Bondye zot Sover ki ti'n fer bann gran mervey Lezip,

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Deterononm 32:18

Ou ti oubliy sa Ros protekter ki ti met ou omonn. Ou ti oubliy sa Bondye ki ti donn ou lavi.

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Ziz 10:7

SENYER ti ankoler kont Izrael. I ti livre zot dan lanmen bann Filisten ek bann Amonit,

Ziz 13:1

Bann Izraelit ti rekonmans fer sa ki pa ti fer plezir SENYER. SENYER ti livre zot dan lanmen bann Filisten pandan 40 an.

Ziz 2:14

SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Ziz 3:12

Pep Izrael ti rekonmans fer bann aksyon ki ti depler SENYER. Akoz Izrael ti pe mal fer, SENYER ti ankouraz Eglonn, lerwa Moab, pour azir kont zot.

Ziz 3:31

Apre Ehoud, ti vin Sanmgar, garson Anat. I ti bat 600 zonm Filisten avek son sagay. Li osi, i ti delivre Izrael.

Ziz 4:2

Alor, SENYER ti vann zot avek Yavin, lerwa Kanaan, ki ti renny Asor. Sisera ti son sef larme. I ti pe reste Haroset-Goim.

1 Samyel 12:15

Me si zot pa ekout lavwa SENYER, si zot revolte kont bann komannman SENYER, SENYER pou tourn kont zot, parey i ti fer kont zot bann zanset.