1 Samyel 10:7 - Labib An Kreol Seselwa

⁷ Ler sa bann siny ava'n realize, ou ava fer sa ki ou devre fer akoz Bondye i avek ou.

1 Samyel 10:7 ပူးပေါင်းရင်းမြစ်များ

Zenez 21:20

Bondye ti avek sa garson ki ti grandi. I ti viv dan dezer e i ti vin en bon saser avek fles.

2 Samyel 7:3

Natan ti reponn lerwa, “Ale, fer sa ki ou annan dan ou lespri. SENYER ava avek ou.”

Liv Zob 31:25

si mon lazwa in sorti dan mon gran larises, oubyen dan bann kantite lobze ki mon'n gannyen par travay;

Egzod 4:8

SENYER ti dir, “Si zot pa krwar ou, e si zot pa port atansyon lo sa premye siny, zot ava krwar avek sa dezyenm siny.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Levanzil dapre Lik 2:12

La siny koman zot ava kapab rekonnet li: Zot ava war en pti baba anvlope dan en drapo, pe dormi dan en manzwar.”

Levanzil dapre Zan 6:14

Kan bann dimoun ti war sa siny ki Zezi ti'n fer, zot ti dir: Sa zonm i vreman sa Profet ki devre vin dan lemonn!

Deterononm 20:1

Ler ou sorti pour al lager kont ou bann lennmi e ou ava war en kantite seval ek kales lager, en larme pli gran ki pour ou, ou napa nanryen pour per, akoz SENYER, ou Bondye ki'n fer ou sorti Lezip, i avek ou.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Ziz 6:12

Mesaze SENYER ti aparet avek li. I ti dir li, “SENYER i avek ou, vayan gerye!”

Ziz 9:33

Bomaten, avek soley leve, ou ava leve e atak lavil. Ler Gaal avek son bann zonm ava sorti pour li konfront ou, ou ava tret li koman oule.”

1 Samyel 2:34

Sa ki pou arive avek ou de garson, Hofni ek Fineas ava servi koman en siny. Tou le de pou mor menm zour.

1 Samyel 20:13

Me si mon papa i anvi fer ou ditor, mon ava osi fer ou konnen, e mon ava les ou al anpe. SENYER ava avek ou parey i ti avek mon papa.

1 Samyel 3:19

Samyel ti grandi. SENYER ti avek li e i ti fer realize tou son bann parol.