1 Samyel 10:3 - Labib An Kreol Seselwa

³ Apre, ou ava kontiny ou semen e ariv Tabor, kot sa gro pye terebent. La, ou ava zwenn trwa zonm ki pe mont ver Betel kot sanktyer Bondye. Enn pe anmenn trwa pti kabri, lot pe anmenn trwa dipen, trwazyenm pe anmenn en sak diven.

1 Samyel 10:3 ပူးပေါင်းရင်းမြစ်များ

Zenez 28:19

I ti apel sa landrwa Betel. Sa landrwa ti apel Louz avan.

Zenez 28:22

Sa ros ki mon'n fer en pilye avek e konsakre, pou vin lakaz Bondye. Mon pou donn ou en dizyenm lo tou sa ki ou pou donn mwan.

Zenez 35:1

Bondye ti dir Zakob, “Leve! Al Betel e reste laba. Fer en lotel pour Bondye ki ti aparet avek ou kan ou ti pe sov ou frer, Ezai.”

Zenez 35:3

Apre, annou leve e al Betel, pour mwan kapab fer en lotel pour Bondye ki ti ekout mwan kan mon ti dan detres e ki'n avek mwan partou kot mon'n ale.”

Psonm 89:12

Ou ki ti kree tou sa ki dan Nor, tou sa ki dan Sid. Montanny Tabor ek montanny Hermon i loue ou non.

Zeremi 32:8

Parey SENYER ti'n averti mwan, Hanameel pa ti tarde pour li vin war mwan dan lakour kordgard. I ti dir mwan: Aste mon morso later ki sitye Anatot, dan teritwar Benzamen. Annefe, ou mon fanmir pli pros e ou annan drwa aste avan lezot. Apre sa, mon ti sir ki SENYER ti'n vreman koz avek mwan.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 23:13

Avek lofrann vezetal, zot ava ofer en lofrann brile sis kilo lafarin petri avek delwil, en lofrann ki anvoy en loder ki fer plezir SENYER, ek lofrann en lit edmi diven.

Levitik 3:12

Si en dimoun i ofer en kabri, i ava prezant li devan SENYER.

Levitik 3:6

Si en dimoun i ofer koman sakrifis lape en zannimo sorti dan son troupo mouton oubyen kabri, i ava pran en mal oubyen en femel ki san okenn defo.

Levitik 7:13

Pour akonpanny son sakrifis lape ek remersiman, i ava osi anmenn bann lofrann gato fer avek lelven.

Zozye 19:12

Depi Sarid, frontyer ti al dan Les, ver soley leve ziska limit Kislot-Tabor, i ti pas par Dabrat e mont ziska Yafia.

Zozye 19:22

Frontyer ti tous avek Tabor, Sasaim, Bet-Semes e fini kot larivyer Zourden. An tou, 16 lavil avek zot bann vilaz pros.

Ziz 20:18

Bann Izraelit ti mont Betel pour konsilte Bondye: Lekel parmi nou ki pou al premye pour lager kont bann Benzamit? SENYER ti reponn: Zida ki pou al premye.

Ziz 20:23

Bann Izraelit ti al plere devan SENYER ziska aswar. Zot ti konsilte SENYER: Eski fodre nou atak ankor nou bann frer Benzamit? SENYER ti reponn: Atake.

Ziz 20:27

Bann Izraelit ti al konsilte SENYER. Annefe, dan sa letan, Kof Lalyans ti dan sa landrwa.

Ziz 4:12

Sisera ti ganny enformen ki Barak, garson Abinoanm ti'n mont ziska montanny Tabor.

Ziz 4:6

I ti fer apel Barak, garson Abinoanm, ki sorti Kedes-Neftali. I ti dir li, “SENYER, Bondye Izrael in donn ou sa lord: Ale! Al dan direksyon montanny Tabor. Pran avek ou 10,000 zonm sorti dan tribi Neftali e dan tribi Zabilon.

Ziz 8:18

Apre, i ti demann Zeba ek Salmouna, “Ki mannyer bann zonm ki zot ti touye Tabor, ti ete?” Zot ti reponn, “Zot ti parey ou; sakenn zot ti parey en sef.”

1 Samyel 10:4

Zot pou dir ou bonzour e zot pou donn ou de dipen ki ou ava pran.