1 Rwa 9:9 - Labib An Kreol Seselwa

⁹ Alor, zot ava reponn: Akoz zot in abandonn SENYER, zot Bondye ki'n fer zot zanset sorti Lezip, me zot in servi e ador lezot bondye; pour sa rezon ki SENYER in fer tou sa bann maler tonm lo zot.

1 Rwa 9:9 ပူးပေါင်းရင်းမြစ်များ

1 Rwa 18:18

Eli ti reponn, “Pa mwan ki anmenn maler lo Izrael, me ou, avek tou lafanmir ou papa, akoz zot in abandonn bann komannman SENYER pour al swiv bann Baal.

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

2 Kronik 29:8

Alor, SENYER ti ankoler avek pep Zida ek Zerizalenm, e fer zot vin en pep degoutan, ranpli avek lafreyer ek mepri, parey zot kapab war pour zot menm.

2 Kronik 7:22

Dimoun pou reponn: Akoz zot in abandonn SENYER, Bondye zot zanset ki ti tir zot dan Lezip. Zot in al ver lezot bondye ki zot ti adore e servi. Pour sa rezon ki Bondye in fer tou sa bann maler tonm lot zot.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 22:8

En kantite nasyon etranze pou pas pre avek sa lavil. Zot pou demann avek kanmarad akoz SENYER in tret sa gran lavil konmsa?

Zeremi 44:23

La rezon akoz maler in tonm lo zot ozordi: Zot in ofer lansan an loner lezot bondye, zot in rann zot koupab anver SENYER; zot pa'n ekout li, zot pa'n swiv ni son lansennyman, ni son komannman, ni son bann konsey.”

Zeremi 5:19

Kan zot ava demann ou akoz mon ti fer tousala, ou, Zeremi, ou ava dir zot: Parey zot in abandonn mwan pour al servi bann bondye etranze dan zot prop pei, zot pou al servi bann etranze dan en pei ki pa pour zot.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Lamantasyon 2:15

Dimoun ki pase pe bat lanmen deryer ou, Zerizalenm. Zot sifle, zot sekwe zot latet, zot riy ou. Sanmenm sa lavil ki ti labote parfe; ki ti fer lazwa later antye?

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.