1 Rwa 9:8 - Labib An Kreol Seselwa

⁸ Sa lakaz pou tonm anrin; tou sa ki pou pas par la pou sirprann, soufle avek letonnman. Zot ava dir: Akoz SENYER in azir konmsa kont sa pei ek sa Lakaz?

1 Rwa 9:8 ပူးပေါင်းရင်းမြစ်များ

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

2 Kronik 29:8

Alor, SENYER ti ankoler avek pep Zida ek Zerizalenm, e fer zot vin en pep degoutan, ranpli avek lafreyer ek mepri, parey zot kapab war pour zot menm.

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

2 Kronik 7:21

Kan dimoun ki pas par la, pou war sa tanp ki ti sitan ganny onore pou demande: Akoz SENYER in fer sa avek sa pei ek sa tanp?

Ezai 64:11

Nou manifik tanp sakre, kot nou bann zanset ti loue ou, in ganny detri par dife e tou nou bann landrwa lapriyer in osi ganny detri.

Zeremi 16:10

Kan ou pou dir sa pep tousala, zot pou demann ou akoz SENYER nou Bondye in deside anvoy tou sa bann gran maler lo nou. Ki krim nou'n komet? Ki pese nou'n fer.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 19:8

Mon pou met sa lavil dan en tel leta degoutan, ki tou dimoun ki pase pou ganny en sok e zot ava kriye ek sezisman devan en tel destriksyon.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Zeremi 49:17

Edonm pou vin en ta debri; bann pasan pou soke e soufle avek degou ler zot ava war sa dega ki'n arive.

Zeremi 5:19

Kan zot ava demann ou akoz mon ti fer tousala, ou, Zeremi, ou ava dir zot: Parey zot in abandonn mwan pour al servi bann bondye etranze dan zot prop pei, zot pou al servi bann etranze dan en pei ki pa pour zot.

Zeremi 50:13

Akoz gran lakoler SENYER, personn pa pou vin reste ankor dan Babilonn; i pou ganny konpletman devaste. Tou sa ki pas par la pou soke e ganny sezisman, akoz tou son bann boubou.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Lamantasyon 2:15

Dimoun ki pase pe bat lanmen deryer ou, Zerizalenm. Zot sifle, zot sekwe zot latet, zot riy ou. Sanmenm sa lavil ki ti labote parfe; ki ti fer lazwa later antye?

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.