1 Rwa 9:7 - Labib An Kreol Seselwa

⁷ mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

1 Rwa 9:7 ပူးပေါင်းရင်းမြစ်များ

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Psonm 44:14

Zot rakont fab lo nou. Zot riy nou e zot sekwe latet.

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

2 Rwa 25:21

Lerwa Babilonn ti touy zot, la Ribla, dan pei Hamat. Alor, Zida ti ganny deporte lwen avek son pei.

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

2 Kronik 7:20

alor, mon pou derasin zot lo sa later ki mon'n donn zot. Sa tanp ki mon'n konsakre pour mon loner, mon pou rezet li lwen, e fer li vin en lobze ki bann nasyon pou servi pour gway Izrael.

Matye 24:2

Zezi ti dir zot, “Zot war tousala? Mon dir zot, sa i laverite: Pa pou reste en sel ros lo en lot; tou pou degrengole.”

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

Matye 23:38

La aprezan, ou lakaz in ganny abandonnen.

1 Samyel 15:11

“Mon regrete ki mon'n fer Sail vin lerwa; in detournen avek mwan e i pa'n gard mon parol.” Sa ti fatig latet Samyel ki ti plere devan SENYER tou lannwit.

1 Rwa 11:10

e ki ti'n donn li lord spesifik konsernan sa bann keksoz ki fodre pa i al ver lezot bondye; me i pa ti obei lord ki SENYER ti'n ordonnen.

Psonm 69:11

Zot ti fer zistwar lo mwan ler mon ti met lenz dey.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Psonm 44:15

Tou lazournen, mon maler i devan mwan. Mon figir i kouver avek laont,

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.