1 Rwa 9:4 - Labib An Kreol Seselwa

⁴ Kanta ou, si ou mars devan mwan avek en leker senser e drwat; si ou gard mon komannman ek mon bann lalwa parey mon'n ordonn ou, parey ou papa David ti fer,

1 Rwa 9:4 ပူးပေါင်းရင်းမြစ်များ

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Zenez 20:5

Pa Abrahanm ki'n dir: I mon ser? Pa Sara ki ti dir: I mon frer? Mon'n azir avek en leker kler e avek en lanmen inosan.”

2 Samyel 22:22

Mon'n met an pratik komannman SENYER. Mon'n reste fidel anver mon Bondye.

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

1 Rwa 11:4

Annefe, dan lavyeyes Salomon, son bann fanm ti detourn son leker ver lezot bondye, e son leker pa ti antyerman pour SENYER son Bondye, parey leker son papa David.

1 Rwa 11:6

Alor, Salomon ti fer sa ki mal devan SENYER e i pa ti akonpli lavolonte SENYER parey son papa David.

1 Rwa 14:8

Mon'n aras rwayonm dan fanmir David, e mon'n donn ou. Me ou pa'n fer parey mon serviter David, ki ti gard mon bann komannman, swiv avek tou son leker, e fer tou sa ki drwat, pour fer mwan plezir.

1 Rwa 15:5

David ti'n fer sa ki byen devan SENYER. Pandan tou son lavi, i pa ti detourn li kont son bann komannman, sof sa ki i ti fer kont Iri, sa Hitit.

1 Rwa 3:14

Si ou fer mon lavolonte, si ou obei mon lalwa ek mon bann komannman parey ou papa David, mon pou donn ou en long lavi.”

1 Rwa 3:3

Salomon ti kontan SENYER. I ti swiv tou bann lord son papa David. Me i ti ofer sakrifis e bril lansan dan bann landrwa sakre.

1 Rwa 3:6

Salomon ti dir, “SENYER, ou'n toultan montre ou gran fidelite anver ou serviter, mon papa David, akoz in servi ou avek fidelite, lazistis e drwatir, e ou, ou'n gard ou gran fidelite anver li. Ou'n donn li en garson ki pe asiz lo son tronn ozordi.

1 Rwa 6:12

Ou pe konstri en tanp pour mwan; si ou mars dapre mon bann lalwa, si ou azir dapre bann regleman ki mon'n donn ou; si ou obei tou mon bann komannman, mon ava akonpli tou mon bann promes ki mon ti fer avek ou papa David, lo ou size.

1 Rwa 8:25

Aprezan SENYER, Bondye pep Izrael! Akonpli osi sa ki ou'n promet ou serviter, mon papa David, ler ou ti dir li: Si ou bann garson i kondwir zot byen e mars devan mwan parey ou, ou'n marse, i pa pou zanmen mank enn ou desandans devan mwan lo tronn Izrael.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

2 Kronik 17:4

I ti servi Bondye, son papa e obei son bann komannman, me pa parey Izrael ti pe fer.

Psonm 101:2

Mon pou kondwir mwan byen. Kan eski ou pou vin kot mwan? Dan mon lakour, mon pou anmenn en lavi drwat e san repros.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 26:1

SENYER! Deklar mwan inosan. Mon'n anmenn en lavi san repros. Mon'n met mon konfyans dan SENYER. Mon pa pou tonbe.

Psonm 26:11

Mon'n anmenn en lavi san repros. SENYER! Delivre mwan. Pran pitye pour mwan.

Psonm 78:72

David ti pran swen son pep avek gran ker; i ti gid zot avek en lanmen abil.

Proverb 10:9

Sa enn ki viv onnetman i mars an sekirite; me sa enn ki swiv move semen pou ganny pini.

Proverb 20:7

Sa enn ki zis i viv onnetman; zanfan ki vin apre li pou byennere.

Proverb 28:18

Sa enn ki viv onnetman ava viv an sekirite; me sa enn ki anmenn en lavi doub, pou tonm dan enn bann latrap.

Ezekyel 18:9

I obei mon lalwa e swiv mon bann regleman avek fidelite. Sa i en zonm zis e i pou viv. Senyer BONDYE ki'n deklare.

Zakari 3:7

La sa ki SENYER liniver i deklare: Si ou swiv mon semen e gard mon komannman, ou pou gouvern mon tanp e pran ansarz bann lakour mon tanp. Mon pou met ou lo menm ran avek sa bann ki la pe debout.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Deterononm 28:1

Si ou obei SENYER, ou Bondye, si ou obzerv fidelman tou son bann komannman ki mon pe al ordonn ou ozordi, SENYER, ou Bondye ava fer ou pli gran ki tou bann nasyon ki lo later.