1 Rwa 8:6 - Labib An Kreol Seselwa

⁶ Bann pret ti anmenn Kof lalyans SENYER e met li dan son plas dan sanktyer, dan Lasal Tre Sen, anba lezel seriben.

1 Rwa 8:6 ပူးပေါင်းရင်းမြစ်များ

2 Samyel 6:17

Apre ki zot ti'n anmenn Kof SENYER, e depoz li dan son plas, dan en latant ki David ti'n prepare pour li, David ti ofer devan SENYER sakrifis konplet ek sakrifis lape.

2 Samyel 6:2

David, avek tou son bann zonm, ti kit Baal-Zida pour retourn avek Kof Bondye, lo lekel non SENYER liniver i ganny envoke, ki asiz lo bann seriben, par lao Kof lalyans.

1 Rwa 6:16

I ti osi lanbri miray lasal deryer avek dibwa sed depi anba, ziska lao, lo en oter 10 met. Answit, anndan, i ti aranz en lasal sakre, Lasal Tre Sen.

1 Rwa 6:19

Salomon ti enstal Lasal Tre Sen dan milye tanp pour plas Kof lalyans SENYER.

1 Rwa 6:27

Sa de seriben ti ganny plase dan milye Lasal Tre Sen. Zot lezel ti ouver. Lezel premye seriben ti tous en miray avek en kote son lezel e dezyenm seriben, ti tous lot miray avek son lezel; zot de lezot lezel ti tous kanmarad dan milye lasal.

1 Rwa 8:3

Tou bann ansyen dan Izrael ti arive avek Kof lalyans ki ti pe ganny anmennen par bann pret.

1 Rwa 8:4

Zot ti transport Kof lalyans SENYER, Latant Rankont ek tou bann lobze sakre ki ti dan latant ki ti ganny anmennen par bann pret ek bann levit.

1 Rwa 8:7

Annefe, lezel seriben ti ouver lo lanplasman Kof lalyans; i ti kouver Kof lalyans avek son bann bar.

1 Kronik 22:19

Alor, met tou zot leker ek tou zot lespri pour konn lavolonte SENYER zot Bondye. Leve e konstri sanktyer SENYER, ou Bondye, pour ki Kof Lalyans SENYER ek bann lobze sakre Bondye, i ganny en plas dan tanp ki pou ganny konstri pour SENYER.”

2 Kronik 5:7

Apre, bann pret ti transport Kof Lalyans SENYER dan landrwa ki ti'n prepare pour li, e depoz li dan Lasal Tre Sen, anba lezel bann Seriben.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Psonm 80:2

devan Efraim, Benzamen ek Manase! Revel ou pwisans e delivre nou!

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Egzod 37:9

Bann seriben ti fas a fas avek lezel anler pour protez kouvertir Kof Lalyans; bann seriben ti pe get dan direksyon kouvertir Kof Lalyans.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Ezekyel 10:5

Tapaz lezel bann seriben ti ariv ziska dan lakour eksteryer; i ti resanble lavwa Bondye Toupwisan ler i koze.

Ezekyel 41:4

I ti mezir lasal: Longer 10 met, larzer 10 met. I ti dir mwan, “Sa i Lasal Tre Sen.”

1 Samyel 4:4

Lepep ti anvoy en group zonm Silo, pour al sers Kof lalyans Bondye liniver ki son tronn i ant bann seriben. De garson Eli, Hofni ek Fineas ti akonpanny Kof lalyans Bondye.