1 Rwa 8:57 - Labib An Kreol Seselwa

⁵⁷ SENYER Bondye i avek nou parey in avek nou bann zanset; i pa pou zanmen kit nou ni abandonn nou.

1 Rwa 8:57 ပူးပေါင်းရင်းမြစ်များ

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 46:11

SENYER liniver i avek nou; Bondye Zakob i nou labri.

Psonm 46:7

SENYER liniver i avek nou; Bondye Zakob i nou labri.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 8:10

Pran konsey avek kanmarad; fer plan ansanm; i pa pou marse. Diskit lo zot plan; i pa pou reisi akoz Bondye, i avek nou.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 31:6

Reste for e pran kouraz! Pa bezwen ni per ni tranble devan zot, akoz SENYER, ou Bondye pe mars avek ou; i pa pou deles ou ni abandonn ou.

Deterononm 31:8

SENYER pou mars devan ou. I pou avek ou; i pa pou deles ou ni abandonn ou. Pa bezwen per ni tranble.”

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 24:23

I ti dir, “Aprezan, alor, detri bann bondye etranze ki parmi zot, e tourn zot leker ver SENYER, Bondye Izrael.”

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.