1 Rwa 5:3 - Labib An Kreol Seselwa

³ “Ou konnen ki mon papa David pa ti kapab konstri en tanp pour SENYER son Bondye, akoz lager avek son bann lennmi ki antour li, ziska ki SENYER in donn li laviktwar e fer zot soumet avek li.

1 Rwa 5:3 ပူးပေါင်းရင်းမြစ်များ

1 Rwa 8:19

Me, pa ou ki pou konstri sa lakaz, me ou garson. Se ou prop garson ki'n sorti avek ou, ki pou konstri en lakaz pour mwan.

1 Kronik 22:8

Me SENYER ti deklar avek mwan: Ou'n fer koule bokou disan e ou'n fer bann gran lager. Akoz ou'n fer koule bokou disan devan mwan lo later, pa ou ki pou konstri en lakaz pour mwan.

1 Kronik 28:2

Lerwa David ti leve. I ti dir zot: Mon bann frer! Mon pep! Ekout mwan! Mon ti'n mazinen konstri en tanp, en landrwa repo pour Kof Lalyans SENYER, kot nou Bondye pou repoz son lipye. Mon'n deza fer preparasyon pour konmans konstriksyon.

1 Kronik 28:3

Me SENYER ti dir mwan: Pa ou ki pou konstri en tanp pour mwan, akoz ou en gerye e ou'n fer koule bokou disan.

2 Kronik 9:4

I ti war bann pla ki ti servi atab, lakaz son bann zofisye, lorganizasyon personnel dan pale ek zot liniform, son bann domestik ek zot liniform, sakrifis konplet ki i ti ofer dan tanp SENYER. I ti reste dan ladmirasyon.

Nehemi 5:17

Anplis, mon ti nouri 150 zonm an tou: Zwif, zofisye, san kont sa bann ki ti vin kot nou, sorti kot bann nasyon dan zalantour.

Nehemi 5:18

Sak zour, zot ti prepar pour mon kont en bef, sis zoli mouton, ek bann volay; tou le dis zour, zot ti prepar en gran kantite diven ki ti neseser. Malgre sa, mon pa ti reklanm nanryen avek gouverner, akoz sa bann travay ti kout tre ser lepep.

Psonm 110:1

SENYER ti dir avek mon senyer lerwa: Asiz lo mon kote drwat, ziska ki mon met ou bann lennmi anba ou lipye.

Psonm 8:6

Ou'n donn li dominasyon lo tou sa ki ou'n kree. Ou'n met tou anba son kontrol:

Malasi 4:3

Zot pou kraz bann ki pratik lemal, akoz sa zour ki mon pou pran aksyon, zot pou vin lasann anba plak lipye.

1 Korentyen 15:25

Annefe, fodre ki Kris i rennyen ziska ki i'n met tou son bann lennmi anba son lipye.

Efezyen 1:22

Bondye in plas tou anba lipye Kris e i'n etabli li koman sef parlao tou, koman sef siprenm.

Deterononm 14:5

serf, gazel, kabri sovaz, antilop, ek kabri montanny.

Zozye 10:24

Ler zot ti'n anmenn sa bann lerwa devan li, Zozye ti apel tou bann Izraelit. I ti dir bann sef latroup ki ti'n akonpanny li, “Vini! Met zot lipye lo likou sa bann lerwa.” Zot ti aprose e met zot lipye lo likou bann lerwa.