1 Rwa 3:8 - Labib An Kreol Seselwa

⁸ Mon trouv mwan koman sef sa pep ki ou'n swazir, sa pep telman gran ki pa kapab ganny konte.

1 Rwa 3:8 ပူးပေါင်းရင်းမြစ်များ

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 15:5

SENYER ti anmenn li deor e dir li, “Lev ou lizye anler, get lesyel, e kont bann zetwal si ou kapab; la ki mannyer ou desandans pou ete.”

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

1 Rwa 4:20

Zabitan rwayonm Zida ek Izrael ti nonbre koman disab dan bor lanmer. Zot ti annan dekwa pour manze e bwar.

1 Kronik 21:2

David ti dir Zoab ek tou bann sef larme, “Ale, fer resansman Izrael depi Berseba, dan Sid, ziska Dann, dan Nor, e anmenn mwan en rapor pour mwan konn kont popilasyon.”

Psonm 78:71

I ti pran li parmi bann troupo pour fer li vin berze son pep Zakob e Izrael son patrimwann.

Levitik 26:9

Mon pou pran swen avek zot. Mon pou donn zot bokou zanfan e fer zot popilasyon ogmante; mon pou gard mon lalyans avek zot.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.