1 Rwa 3:3 - Labib An Kreol Seselwa

³ Salomon ti kontan SENYER. I ti swiv tou bann lord son papa David. Me i ti ofer sakrifis e bril lansan dan bann landrwa sakre.

1 Rwa 3:3 ပူးပေါင်းရင်းမြစ်များ

1 Rwa 11:34

Malgre sa, mon pa pou pran rwayonm antye dan son lanmen; mon pour gard li koman sef mon pep pandan tou son lavi, akoz mon serviter David ki mon ti swazir, ki ti gard mon bann komannman ek mon bann lalwa.

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

1 Rwa 11:4

Annefe, dan lavyeyes Salomon, son bann fanm ti detourn son leker ver lezot bondye, e son leker pa ti antyerman pour SENYER son Bondye, parey leker son papa David.

1 Rwa 11:6

Alor, Salomon ti fer sa ki mal devan SENYER e i pa ti akonpli lavolonte SENYER parey son papa David.

1 Rwa 14:23

Zot osi, zot ti etabli bann landrwa sakre avek bann ros pilye ek poto sakre lo sak montanny e anba sak pye dibwa avek feyaz.

1 Rwa 14:8

Mon'n aras rwayonm dan fanmir David, e mon'n donn ou. Me ou pa'n fer parey mon serviter David, ki ti gard mon bann komannman, swiv avek tou son leker, e fer tou sa ki drwat, pour fer mwan plezir.

1 Rwa 15:11

Asa ti fer sa ki ti drwat devan SENYER, parey son papa David.

1 Rwa 15:14

Me, i pa ti detri bann landrwa sakre, menm si pandan tou son lavi, son leker ti senser anver SENYER.

1 Rwa 15:3

I ti komet tou sa pese ki son papa avan li ti komet; i pa ti vreman fidel anver SENYER son Bondye, parey son papa David.

1 Rwa 15:5

David ti'n fer sa ki byen devan SENYER. Pandan tou son lavi, i pa ti detourn li kont son bann komannman, sof sa ki i ti fer kont Iri, sa Hitit.

1 Rwa 22:43

I ti fer tou parey son papa Asa e i ti imit li dan tou sa ki ti fer plezir SENYER. Me bann landrwa sakre ti reste. Lepep ti kontinyen ofer bann sakrifis ek lansan dan bann landrwa sakre.

1 Rwa 22:44

Zozafat ti viv anpe avek lerwa Izrael.

1 Rwa 3:14

Si ou fer mon lavolonte, si ou obei mon lalwa ek mon bann komannman parey ou papa David, mon pou donn ou en long lavi.”

1 Rwa 3:6

Salomon ti dir, “SENYER, ou'n toultan montre ou gran fidelite anver ou serviter, mon papa David, akoz in servi ou avek fidelite, lazistis e drwatir, e ou, ou'n gard ou gran fidelite anver li. Ou'n donn li en garson ki pe asiz lo son tronn ozordi.

1 Rwa 8:25

Aprezan SENYER, Bondye pep Izrael! Akonpli osi sa ki ou'n promet ou serviter, mon papa David, ler ou ti dir li: Si ou bann garson i kondwir zot byen e mars devan mwan parey ou, ou'n marse, i pa pou zanmen mank enn ou desandans devan mwan lo tronn Izrael.

1 Rwa 8:61

Donn zot leker antyerman SENYER, nou Bondye pour zot mars dapre son komannman, parey zot pe fer ozordi.

1 Rwa 9:4

Kanta ou, si ou mars devan mwan avek en leker senser e drwat; si ou gard mon komannman ek mon bann lalwa parey mon'n ordonn ou, parey ou papa David ti fer,

2 Rwa 12:3

Sepandan, bann landrwa sakre pa ti ganny detri; lepep ti kontinyen ofer sakrifis e bril lansan dan sa bann landrwa.

2 Rwa 12:4

Zoas ti dir bann pret, “Tou larzan ki ganny ofer koman bann don sakre, e ki ganny anmennen dan tanp SENYER, tou larzan ki sak dimoun i peye pour zot ganny reaste dapre valer ki'n ganny fikse, e tou larzan ki ganny donnen volonterman dan tanp SENYER,

2 Rwa 14:3

Amasya ti fer tou sa ki fer plezir SENYER, me pa parey son papa, David. I ti fer egzakteman parey son papa, Zoas.

2 Rwa 14:4

Me bann landrwa sakre pa ti ganny detri; lepep ti kontinyen al ofer bann sakrifis e bril lansan lo bann oter.

2 Rwa 15:35

Me, bann landrwa sakre pa ti ganny detri; lepep ti kontinyen ofer bann sakrifis e bril lansan lo bann oter. Yotanm ti konstri laport dan letaz tanp SENYER.

2 Rwa 15:4

Me bann landrwa sakre pa ti ganny detri: Lepep ti kontinyen ofer bann sakrifis e bril lansan lo bann oter.

2 Rwa 18:22

Aprezan, ou ava dir: Nou'n met nou konfyans dan SENYER. Pourtan, ou menm Ezekyas ki ti detri bann landrwa sakre ek bann lotel. Ou ki ti ordonn Zida ek Zerizalenm: Ou ava ador SENYER devan sa lotel ki Zerizalenm.

2 Rwa 18:4

I ti fer disparet bann landrwa sakre, koup bann poto sakre e kraz an morso serpan an bronz ki Moiz ti'n fer, akoz ziska aprezan, pep Izrael ti pe bril lansan devan li. Zot ti pe apel li Nehoustann.

2 Kronik 15:17

Asa ti met tou son leker dan servis Bondye. Malgre sa, bann landrwa sakre pa ti disparet dan Izrael.

Psonm 145:20

SENYER i vey lo tou dimoun ki kontan li; me i pou detri bann malfeter.

Psonm 31:23

Zot son bann fidel! Kontan SENYER. SENYER i protez sa enn ki fidel anver li; me i fer bann arogan pey doub.

Levitik 17:5

Konmsa, pep Izrael ava oblize aret touy zot zannimo dan lakanpanny, me zot ava anmenn kot pret devan lantre Latant Rankont pour ofer SENYER koman en sakrifis lape.

Matye 22:37

Zezi ti reponn li, “Kontan Senyer ou Bondye avek tou ou leker, avek tou ou et antye, e avek tou ou lespri.

Levanzil dapre Zan 14:15

Si zot kontan mwan, zot pou obei mon bann komannman.

Levanzil dapre Zan 14:21

Sa enn ki kontan mwan, i posed mon bann komannman e i met zot an pratik. Mon Papa pou kontan sa enn ki kontan mwan. Mwan osi, mon pou kontan li e mon pou fer li konn mwan.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

1 Korentyen 8:3

Me sa enn ki kontan Bondye, Bondye i konn li.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 10:13

Gard bann komannman SENYER ek son bann regleman ki mon pe ordonn ou ozordi, pour ki ou viv ere.

Deterononm 11:13

Si zot vreman obei tou bann komannman ki mon pe ordonn zot ozordi, si zot kontan SENYER, zot Bondye e servi li avek tou zot leker e zot et antye.

Deterononm 30:16

La sa ki mon pe ordonn ou ozordi: Obei bann komannman SENYER, ou Bondye, kontan SENYER, ou Bondye; mars dan son semen; obzerv son bann komannman, regleman ek lalwa, pour ki ou vin nonbre. SENYER, ou Bondye ava beni ou dan sa pei kot ou pe al antre pour pran posesyon.

Deterononm 30:20

Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.

Deterononm 30:6

SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

1 Samyel 9:12

Zot ti reponn, “Wi, i devan zot. Me fer vit; i fek ariv dan lavil; i annan en sakrifis pour lepep dan landrwa sakre.