1 Rwa 21:3 - Labib An Kreol Seselwa

³ Me Nabot ti dir Akab, “Bondye pa pou kontan si mon donn ou patrimwann mon bann zanset.”

1 Rwa 21:3 ပူးပေါင်းရင်းမြစ်များ

Zenez 44:17

Alor Zozef ti dir, “Mon pa pou zanmen kapab fer sa! Zis sa enn avek ki lakoup in ganny trouve, ki ava vin mon lesklav. Kanta zot, zot kapab retourn kot zot papa, anpe.”

Zenez 44:7

Zot ti dir li, “Mon senyer akoz ou dir sa bann parol? Ou bann serviter pa pou zanmen komet en tel aksyon!

1 Kronik 11:19

I ti dir: Mon pa pou kapab fer sa, SENYER pa pou kontan. Eski mon kapab bwar disan sa bann zonm ki'n riske zot lavi? Akoz zot in riske zot lavi pour anmenn sa kot mwan. Alor, i pa ti bwar. La sa ki sa trwa zonm brav ti fer.

Liv Zob 27:5

Zanmen mon pou donn zot rezon. Ziska mon lanmor, mon pou ensiste ki mon inosan.

Ezekyel 46:18

Prens pa devre pran patrimwann lepep e met zot deor lo zot propriyete. I ava donn son bann garson son propriyete, pour ki personn parmi mon pep pa ganny arase son propriyete.

Levitik 25:23

Later pa pou ganny vann dan en fason definitif; pei i pour mwan. Zot se mwan koman bann etranze e bann viziter.

Nonm 36:7

Konmsa, okenn later Izrael pa pou ganny transfere sorti dan en tribi pour al dan en lot; sak Izraelit ava gard patrimwann son tribi.

Nonm 36:9

Okenn par patrimwann pa pou sorti dan en tribi pour pas dan en lot tribi. Sak tribi ava kontinyen byen gard son propriyete.”

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

Romen 3:4

Non! Sertennman pa. Fodre rekonnet ki Bondye i azir selon laverite, menm si tou et imen i manter. Annefe, Lekritir i deklare: Ou devre ganny rekonnet vre par ou parol e ganny ou zafer si ou ganny zize.

Romen 3:6

Pa ditou! Si ti konmsa, ki mannyer alor, eski Bondye ti pou kapab ziz lemonn?

Romen 6:15

Alor, eski nou ava fer pese akoz nou pa anba Lalwa, me anba lagras Bondye? Pa ditou!

Romen 6:2

Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Romen 7:13

Alor, eski sa ki bon, in vin en lakoz lanmor pour mwan? Pa ditou! Pese ki ti lakoz. Konmsa ki i'n fer aparet vre natir pese. Pese in servi sa ki bon pour koz mon lanmor. Konmsa ki gras a bann komannman, pese in montre son pwisans.

Romen 7:7

Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

1 Korentyen 6:15

Zot konnen ki zot lekor i form parti lekor Kris. Alor, eski mon ava pran en manm lekor Kris, pour fer li vin manm lekor en prostitye? Zanmen!

Galat 6:14

Kanta mwan, mon oule vant mon lekor zis dan lakrwa nou Senyer Zezi-Kri. Annefe, gras a lakrwa ki lemonn in ganny krisifye pour mwan, e mwan pour lemonn.

Zozye 22:29

Zanmen nou pou revolte kont SENYER. Pa ozordi ki nou pou detourn nou kont SENYER e konstri en lotel pour ofer bann sakrifis konplet, bann lofrann vezetal, ek lezot sakrifis, lo en lot lotel ki lotel SENYER, nou Bondye, sa enn ki devan son sanktyer.”

Zozye 24:16

Lepep ti reponn, “Zanmen nou pou abandonn SENYER, pour al servi lezot bondye.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

1 Samyel 24:6

I ti dir son bann zonm, “Zanmen mon pou met lanmen lo mon senyer; zanmen mon pou komet en tel aksyon lo sa zonm ki'n resevwar lonksyon SENYER, akoz, li menm ki'n ganny lonksyon SENYER.”