1 Rwa 21:2 - Labib An Kreol Seselwa

² En zour, Akab ti dir Nabot, “Donn mwan ou plantasyon rezen pour mwan fer en zarden legim, akoz i pre avek mon lakaz. An esanz, mon ava donn ou en meyer plantasyon. Si ou prefere, mon ava donn ou son valer annarzan.”

1 Rwa 21:2 ပူးပေါင်းရင်းမြစ်များ

Zenez 16:6

Me Abranm ti dir Sarai, “Gete! Ou servant i anba ou pouvwar; fer sa ki oule avek li.” Apre sa, Sarai ti konmans maltret Agar ki ti bezwen sove.

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

1 Rwa 21:3

Me Nabot ti dir Akab, “Bondye pa pou kontan si mon donn ou patrimwann mon bann zanset.”

1 Rwa 21:6

I ti reponn, “Mon'n esey koz avek Nabot, en zabitan Zizreel. Mon ti dir li: Donn mwan ou plantasyon rezen, e mon ava pey ou avek larzan oubyen si ou prefere, mon ava donn ou en lot plantasyon annesanz. I ti reponn mwan: Mon pa pou donn ou mon plantasyon rezen.”

2 Rwa 9:27

Ler Akazya, lerwa Zida ti war sa, i ti sov dan direksyon Bet-Gann. Zehou ti pourswiv li. I ti dir, “Touy li osi.” Zot ti touy li dan son kales an montan Gour, pre avek Ibleanm. I ti sov Megido kot i ti mor.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Eklezyas 2:5

Mon ti fer zarden ek bann plantasyon, plant bann diferan kalite fri.

Kantik Salomon 4:15

Mon en lafontenn dan en zarden en sours delo pir ki koul depi Liban.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

Deterononm 11:10

Annefe, pei ki ou pe al pran posesyon i pa parey Lezip kot ou sorti. Laba, ou ti bezwen fatige pour aroz sa ki ou ti senmen, parey ou aroz en zarden legim.

Deterononm 5:21

Ou pa pou anvi fanm ou prosen, ni anvi lakaz ou prosen, ni son later, ni son lesklav, ni son bef, ni son bourik, ni okenn lobze ki pour ou prosen.

1 Timote 6:9

Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.

1 Samyel 29:6

Alor, Akis ti apel David. I ti dir li, “Lo lavi SENYER, ou en zonm drwat e mon ti pou kontan fer ou pran par dan lager avek mon larme. Depi ki ou'n ariv kot mwan ziska ozordi, mon pa'n trouv nanryen mal avek ou, me lezot komandan pa dakor avek ou.

1 Samyel 8:14

I pou pran meyer porsyon zot later ek zot plantasyon rezen, plantasyon dible, ek plantasyon zoliv e donn son bann zans dan son lantouraz.

1 Samyel 8:6

Sa pa ti fer ditou plezir Samyel, ler zot ti dir, “Donn nou en lerwa pour renny lo nou.” Samyel ti priy SENYER.