1 Rwa 2:32 - Labib An Kreol Seselwa

³² SENYER ava fer li anmenn responsabilite son akt kriminel. San ki mon papa David ti konnen, i ti atak e touy de zonm, meyer ki li: Abner, garson Ner, komandan larme Izrael, ek Amasa, garson Yeter, komandan larme Zida.

1 Rwa 2:32 ပူးပေါင်းရင်းမြစ်များ

Ziz 9:24

Annefe, ti fodre ki sa vyolans fer kont sa 70 zanfan Yeroub-Baal e zot disan i retonm lo Abimelek, zot frer ki ti'n touy zot, e lo bann dimoun enportan dan Sikenm ki ti'n donn li en koudmen pour touy son bann frer.

Psonm 7:16

Maler ki zot ti'n prepare i retonm lo zot. Zot bann kou vyolan i retonm lo zot prop latet.

2 Kronik 21:13

me ou'n prefere fer parey bann lerwa Izrael; akoz ou'n ankouraz bann zabitan Zerizalenm ek Zida tonm dan prostitisyon parey Akab ti fer avek Izrael; akoz ou'n touy ou bann frer, bann garson ou papa ki ti menm meyer ki ou,

Ziz 9:57

Bondye ti osi fer bann zabitan Sikenm, peye pour tou zot bann mesanste. Konmsa, malediksyon Yotanm, garson Yeroub-Baal, ti realize.

1 Rwa 2:5

Annefe, ou konn byen sa ki Zoab, garson Serouya in fer mwan; ki i ti fer avek sa de sef larme Izrael, Abner, garson Ner, ek Amasa garson Yeter, ki i ti touye. I ti fer sa dan letan lape pour vanz sa ki ti'n ariv pandan lager. Par sa ki i'n fer, i'n rann li responsab zot disan.

Ester 1:19

Si sa i paret bon pour ou, Mazeste, lerwa, fer en deklarasyon ki pa kapab sanze, ki ganny ekri dan bann lalwa Medi ek Lapers, ki Vasti napa drwa vin ankor kot lerwa Zerzes, ki lerwa i donn son tit rwayal avek en lot fanm ki pli merite ki li.

1 Rwa 2:44

Lerwa ti azoute, “Dan fon ou leker, ou rapel tou dimal ki ou'n fer mon papa David. Aprezan, SENYER li menm pou fer ou anmenn responsabilite ou mesanste.

2 Samyel 17:25

Absalon ti nonm Amasa koman sef larme dan plas Zoab. Amasa ti garson Yitra, en Izraelit, ki i ti gannyen avek Abigail, fiy Nahas, ser Serouya, manman Zoab.

2 Samyel 4:11

Ki pli gran rekonpans mon pou donn sa bann move dimoun ki'n touy en inosan dan son prop lakaz lo son lili, pa mon pou bezwen fer zot peye e debaras later avek zot?”

2 Samyel 3:37

Lepep antye, pep Izrael antye, ti konpran ki lerwa pa ti kontan ditou lanmor Abner, garson Ner.

1 Samyel 15:28

Samyel ti dir, “Ozordi, SENYER in desir rwayonm Izrael, pour li pran avek ou, e donn li avek en lot ki meyer ki ou.

Zenez 4:11

Dezormen, ou anba malediksyon, ou pou ganny sase lo later ki'n ouver labous pour resevwar disan ou frer ki ou'n touye avek ou lanmen.

Zenez 9:6

Sa enn ki fer koule disan en et imen, li osi en et imen pou fer koule son disan, akoz zonm ti ganny fer dan limaz Bondye.

Zenez 42:22

Riben ti dir zot, “Pa mon ti dir zot pa fer ditor sa garson? Me zot pa ti oule ekoute. La aprezan nou bezwen rann kont pour son disan.”

2 Samyel 1:16

David ti dir li, “Ou responsab ou prop lanmor; par ou prop labous, ou'n akiz ou ler ou ti dir: Mwan ki'n touy lerwa ki SENYER in swazir.”

2 Samyel 3:39

Ozordi, menm mwan, lerwa, mon war bann garson Serouya, tro vyolan. SENYER li menm pou pini bann malfeter pour zot krim!”

2 Kronik 21:14

SENYER pou anvoy en gro fleo lo ou pep, lo ou bann zanfan, lo ou bann fanm e lo tou sa ki ou posede.

Nonm 32:23

Me si zot pa gard zot promes, mon averti zot ki zot pou komet en pese devan SENYER. Konnen ki i pou pini zot pour sa pese.

2 Samyel 3:29

Zoab avek son fanmir ava responsab, e port son konsekans. Mon demande ki i ava touzour annan dan sa fanmir bann zonm ki ganny maladi movez mal, oubyen lalep, bann zonm fanm, ou ki mor par lepe, ou ki soufer lafen.”

1 Rwa 8:32

depi lesyel ou ava ekoute. Ou ava pran aksyon e ziz ou serviter. Ou ava kondann sa enn ki koupab e enpoz responsabilite son tor lo li; ou ava fer akit sa enn ki inosan e tret li dapre lazistis.

Psonm 7:17

Mon pou remersye SENYER akoz i zis. Mon pou loue non SENYER Treo.

Ezekyel 17:19

La sa ki Senyer BONDYE i deklare: Osi vre ki mon vivan, se mon serman ki lerwa Izrael in kase; se mon lalyans ki i pa'n respekte. Alor, mon pou fer li sibir bann konsekans.