1 Rwa 13:2 - Labib An Kreol Seselwa

² Sa zonm ti kriy kont lotel par lord SENYER. I ti dir: Lotel! Lotel! La sa ki SENYER i deklare: En garson pou ne dan fanmir David; i pou apel Zozyas. I pou ofer koman sakrifis lo lotel, bann pret, ki servi dan landrwa sakre, ki bril lansan. Menm lezo bann et imen pou ganny brile lo ou.

1 Rwa 13:2 ပူးပေါင်းရင်းမြစ်များ

1 Rwa 13:32

Annefe, mon sir ki sa parol SENYER ki i ti kriye kont lotel Betel e kont tou bann lakaz dan landrwa sakre dan lavil Samari, pou realize.”

2 Kronik 34:1

Zozyas ti annan 8 an ler i ti vin lerwa. I ti renny pandan 31 an dan Zerizalenm.

2 Kronik 34:3

Dan wityenm lannen renny Zosyas, alor ki i ti ankor en zenn garson, i ti konmans aprann lavolonte Bondye parey David, son zanset. Dan douzyenm lannen son renny, i ti konmans debaras Zerizalenm ek rwayonm Zida avek bann landrwa sakre, bann poto sakre ek tou bann stati an bwa e an metal.

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 42:9

Bann premye levennman ki'n ganny anonse in fini pase. Aprezan, mon anons sa ki nouvo: Mon fer ou konnen avan menm zot arive.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 1:2

SENYER ti adres li laparol dan trezyenm lannen ki Zozyas, garson Amonn, ti lerwa Zida.

Zeremi 22:29

O mon pei! Mon pei! Mon pei! Ekout parol SENYER.

Ezekyel 36:1

Ou ki en imen, profetiz lo bann montanny Izrael. Dir zot: Montanny Izrael! Ekout parol SENYER.

Ezekyel 36:4

Pour sa rezon, montanny Izrael, ekout sa ki Senyer BONDYE i deklare avek bann montanny ek kolin, bann larivyer ek vale, bann landrwa devaste ek bann lavil abandonnen ki'n ganny depouye e kouver avek ensilt bann nasyon dan zalantour.

Ezekyel 38:4

Mon pou met en lanmson dan ou lanmaswar e trenn ou pardfors. Mon pou fors ou sorti avek ou larme: Seval ek son kavalye abiye dan liniform. Zot ava form en gran latroup gerye, zot tou arme avek zot boukliye ek lepe.

Levanzil dapre Lik 19:40

Zezi ti reponn, “Mon dir zot, si bann disip i reste trankil, bann ros ki pou kriye.”

Deterononm 32:1

Lesyel! Ekout sa ki mon pe al dir. Later! Ekout byen parol ki sorti dan mon labous.