1 Rwa 11:4 - Labib An Kreol Seselwa

⁴ Annefe, dan lavyeyes Salomon, son bann fanm ti detourn son leker ver lezot bondye, e son leker pa ti antyerman pour SENYER son Bondye, parey leker son papa David.

1 Rwa 11:4 ပူးပေါင်းရင်းမြစ်များ

1 Rwa 11:2

sa bann nasyon ki SENYER ti'n dir avek pep Izrael: Ou pa pou annan okenn relasyon avek zot, ni zot avek ou, akoz zot pou sertennman detourn ou leker, pour al kot zot bondye. Me Salomon ti atase avek zot par lanmour.

1 Rwa 11:33

Sa i akoz i'n abandonn mwan e i al ador Astarte, bondye bann Sidonit, Kemos bondye Moab, ek Milkonm bondye bann Amonit. I pa'n mars dapre mon volonte, i pa'n fer sa ki byen devan mwan pour gard mon lalwa ek komannman parey son papa David.

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

1 Rwa 11:42

Salomon ti renny lo pep Izrael pandan 40 an dan Zerizalenm.

1 Rwa 11:6

Alor, Salomon ti fer sa ki mal devan SENYER e i pa ti akonpli lavolonte SENYER parey son papa David.

1 Rwa 11:9

SENYER ti ankoler avek Salomon akoz son leker ti'n detournen avek SENYER, Bondye Izrael, ki ti'n aparet de fwa avek li,

1 Rwa 14:21

Roboanm, garson Salomon, ti renny lo Zida. I ti annan 41 an ler i ti vin lerwa, e i ti renny 17 an dan Zerizalenm, lavil kot SENYER ti'n swazir parmi tou teritwar bann tribi Izrael pour plas son non. Son manman ti apel Naama, en Amonit.

1 Rwa 15:14

Me, i pa ti detri bann landrwa sakre, menm si pandan tou son lavi, son leker ti senser anver SENYER.

1 Rwa 15:3

I ti komet tou sa pese ki son papa avan li ti komet; i pa ti vreman fidel anver SENYER son Bondye, parey son papa David.

1 Rwa 3:3

Salomon ti kontan SENYER. I ti swiv tou bann lord son papa David. Me i ti ofer sakrifis e bril lansan dan bann landrwa sakre.

1 Rwa 6:1

Salomon ti konmans konstriksyon tanp SENYER 480 lannen apre ki pep Izrael ti'n sorti Lezip, dan katriyenm lannen son renny lo Izrael, dan mwan Ziv, ki dezyenm mwan dan lannen.

1 Rwa 8:61

Donn zot leker antyerman SENYER, nou Bondye pour zot mars dapre son komannman, parey zot pe fer ozordi.

1 Rwa 9:10

Apre 20 an, Salomon ti'n konstri sa de lakaz: Lakaz SENYER e pale lerwa.

1 Rwa 9:4

Kanta ou, si ou mars devan mwan avek en leker senser e drwat; si ou gard mon komannman ek mon bann lalwa parey mon'n ordonn ou, parey ou papa David ti fer,

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

1 Kronik 29:19

Donn mon garson Salomon en leker ki ava touzour obeir tou ou komannman, tou ou lalwa, tou ou regleman; konmsa, i ava kapab konstri sa tanp pour ki mon'n fer tou bann preparatif.

2 Kronik 17:3

SENYER ti avek Zozafat akoz i ti swiv mannyer son zanset David ki ti servi SENYER dan konmansman son renny. I pa ti ador bann Baal.

2 Kronik 25:2

Son aksyon ti fer plezir SENYER, me i pa ti azir avek en leker kontan.

2 Kronik 34:2

I ti fer tou sa ki byen devan SENYER e i ti swiv legzanp son zanset, David. I pa ti devye pour al ni adrwat, ni agos.

Egzod 20:3

Ou pa pou annan okenn lezot bondye apard mwan.

Deterononm 17:17

I pa devre annan bokou fanm, pour ki son leker pa detourn avek Bondye. I pa devre annan en kantite larzan ek lor pour li.

Deterononm 7:4

Sa i ava detourn ou bann zanfan kont mwan pour al servi lezot bondye. Alor, lakoler SENYER ava anflanmen kont zot; i ava detri zot imedyatman.