1 Rwa 11:2 - Labib An Kreol Seselwa

² sa bann nasyon ki SENYER ti'n dir avek pep Izrael: Ou pa pou annan okenn relasyon avek zot, ni zot avek ou, akoz zot pou sertennman detourn ou leker, pour al kot zot bondye. Me Salomon ti atase avek zot par lanmour.

1 Rwa 11:2 ပူးပေါင်းရင်းမြစ်များ

Zenez 2:24

Pour sa rezon, en zonm i kit son papa ek son manman pour atas li avek son fanm, e tou le de zot vin en sel laser.

Zenez 34:3

I ti kontan Dina, fiy Zakob e i ti esey ganny son leker.

1 Rwa 11:9

SENYER ti ankoler avek Salomon akoz son leker ti'n detournen avek SENYER, Bondye Izrael, ki ti'n aparet de fwa avek li,

2 Kronik 19:2

Profet Yehou, garson Hanani, ti vin zwenn li. I ti dir lerwa Zozafat, “Eski ou devre port sekour en move dimoun? Eski ou devre kontan en dimoun ki deteste SENYER? Akoz sa, SENYER i ankoler avek ou.

2 Kronik 21:6

I ti fer parey tou bann lerwa Izrael, parey fanmir Akab ti'n fer, akoz i ti'n marye avek en fiy Akab. Son bann aksyon pa ti fer plezir SENYER.

Esdras 9:12

Alor, pa donn zot bann fiy an maryaz ek zot bann garson etranze, ni pran zot fiy an maryaz pour zot bann garson. Pa pran okenn ka pour zot konfor ni zot byennet. Alor, zot ava vin en pep for. Zot ava manz meyer prodwi sa pei e transmet li pour touzour, koman en leritaz pour zot bann zanfan.

Psonm 139:21

SENYER! Mon ay sa bann ki ay ou. Mon deteste sa bann ki revolte kont ou.

Egzod 23:31

Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Egzod 34:12

Fer sir ou pa fer okenn lalyans avek bann zabitan sa pei kot ou pe ale. Sa i kapab vin en pyez pour ou.

Egzod 34:16

Zot ava osi fer ou garson marye avek zot bann fiy ki ava antrenn ou bann zanfan e fer zot prostitye avek zot bann bondye.

Malasi 2:11

Zida pa'n reste fidel anver Bondye. Zot in komet en akt degoutan dan pei antye e dan Zerizalenm. Zot in mank respe anver sanktyer ki SENYER i kontan. Zot in marye avek bann fanm etranze ki ador lezot bondye.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 12:9

Lanmour i devre senser. Deteste sa ki mal e reste atase avek sa ki byen.

1 Korentyen 15:33

Pa les zot ganny tronpe: Move frekantasyon, i gat repitasyon.

Revelasyon 2:4

Me sa ki mon annan kont ou, se ki ou'n perdi ou premye lanmour.