1 Rwa 10:3 - Labib An Kreol Seselwa

³ Salomon ti reponn tou son bann kestyon; ti napa nanryen ki lerwa pa ti kapab eksplike.

1 Rwa 10:3 ပူးပေါင်းရင်းမြစ်များ

2 Samyel 14:17

Annefe, mon ti dir: Mon krwar ki parol ki mon senyer lerwa ava dir, ava ede pour fer lape. Mon senyer lerwa i parey en mesaze Bondye ki fer diferans ant lebyen ek lemal. Mon swete ki SENYER ou Bondye i ava avek ou.”

2 Samyel 14:20

Ou serviter Zoab in fer sa pour donn sa bann levennman en lot tournir. Me ou, mon rwa, ou konpran tou sa ki pase lo later, parey en mesaze Bondye.”

1 Rwa 10:1

Larenn Saba ti'n antann koz lo renonmen Salomon akoz non SENYER, i ti vin teste li avek bann kestyon difisil.

1 Rwa 10:2

I ti ariv Zerizalenm avek en gran delegasyon, avek samo sarze avek en varyete zepis, en kantite lor, avek bann pyer presyez. Ler i ti ariv kot Salomon, i ti kestyonn li lo tou sa ki i ti mazinen.

1 Rwa 10:4

Larenn Saba ti war tou lasazes Salomon, son pale ki i ti'n konstri,

1 Rwa 3:12

mon pou donn ou sa ki ou'n demande: Mon pou donn ou lasazes ek disernman, pour ou swazir ant sa ki bon ek sa ki move, plis ki nenport ki avan ou e apre ou.

2 Kronik 9:2

Salomon ti donn leksplikasyon tou sa ki i ti demande; napa nanryen ki Salomon pa ti kapab eksplike.

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Matye 13:11

Zezi ti reponn, “Avek zot, sekre Rwayonm Bondye in ganny revele. Me sa sekre pa ankor ganny revele avek sa bann.

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

Kolosyen 2:3

Dan li, tou bann trezor lasazes ek konnesans Bondye in ganny kasyet.