1 Rwa 1:34 - Labib An Kreol Seselwa

³⁴ La, pret Sadok ek profet Natan ava donn li lonksyon pour li vin lerwa pep Izrael. Zot ava soufle tronpet e kriye: Viv lerwa Salomon!

1 Rwa 1:34 ပူးပေါင်းရင်းမြစ်များ

2 Samyel 15:10

Absalon ti anvoy son bann espyon dan tou bann tribi Izrael pour dir, “Ler zot ava antann son tronpet, zot ava kriye: Absalon in vin lerwa dan Hebron!”

2 Samyel 2:4

Bann zabitan Zida ti vin kot David; zot ti konsakre li pour fer li lerwa pep Zida. David ti ganny nouvel ki bann zabitan Yabes dan Galaad ti'n anter Sail.

2 Samyel 5:3

Kan tou bann ansyen dan pep Izrael ti'n vin Hebron kot lerwa David, lerwa ti fer en lalyans avek zot devan SENYER e zot ti vers delwil lo latet David koman lerwa pep Izrael antye.

1 Rwa 1:25

I'n desann ozordi e i'n ofer sakrifis en kantite bef, zannimo gra, ek bann mouton. I'n envit tou ou bann garson, bann sef larme, ek pret Abiatar. Zot pe manze, bwar avek li e zot pe kriye: Viv lerwa Adoniya!

1 Rwa 1:35

Zot ava remonte deryer li e Salomon ava vin asiz lo mon tronn e i ava vin lerwa dan mon plas, akoz mon'n swazir li koman sef lo pep Izrael e lo Zida.”

1 Rwa 1:39

Pret Sadok ti pran fyol delwil sakre dan latant e vid lo latet Salomon pour konsakre li lerwa. Zot ti soufle tronpet e tou dimoun ti kriye: Viv lerwa Salomon.

1 Rwa 19:16

Ou ava osi donn lonksyon Zehou, garson Nimsi, pour konsakre li lerwa Izrael. Ou ava osi konsakre Elize, garson Safat, zabitan Abel-Mehola, pour li vin profet dan ou plas.

2 Rwa 11:12

Apre, i ti anmenn garson lerwa, plas kouronn lo son latet e donn li dokiman kouronnman. Zot ti proklanm li lerwa e vers delwil lo son latet. Zot ti bat lanmen e kriye: Viv lerwa!

2 Rwa 11:14

Ler i ti gete, i ti war lerwa debout pre avek kolonn, dapre koutim; bann sef ek bann zwer tronpet ti la akote lerwa. Popilasyon pei antye ti dan lazwa e ti soufle tronpet. Atali ti desir son lenz e kriye: Traizon! Traizon!

2 Rwa 9:13

Zot ti degaze pour pran sakenn son lenz e met anba lipye Zehou, lo mars peron. Zot ti soufle tronpet e proklanmen: Zehou i lerwa.

2 Rwa 9:3

Ou ava pran sa fyol delwil, vers lo son latet e dir: La sa ki SENYER i deklare: Mon konsakre ou koman lerwa Izrael. Apre, ouver laport e sove deswit.”

2 Rwa 9:6

Zehou ti leve e antre dan lakaz. Sa zenn profet ti vers delwil lo son latet. I ti dir li, “La sa ki SENYER, Bondye Izrael i deklare: Mon konsakre ou koman lerwa lo Izrael, pep SENYER.

2 Kronik 23:11

Alor, pret Yoyada ti fer sorti Zoas, garson lerwa; i ti plas kouronn lo son latet, prezant li avek dokiman Temwannyaz. Apre, ansanm avek son bann garson, zot ti konsakre li avek delwil e proklanm li lerwa. Lepep ti kriye: Viv lerwa!

Psonm 45:7

Ou kontan lazistis e ou deteste sa ki mal. Pour sa rezon, Bondye, ou Bondye, in vers delwil lonksyon lo ou latet. In prefer swazir ou parmi lezot lerwa.

Psonm 89:20

Mon'n dekouver mon serviter David; mon'n konsakre li avek delwil sen.

Psonm 89:36

Son desandans pou dire pour touzour; son tronn pou reste devan mwan parey soley.

Ezai 45:1

La sa ki SENYER i deklare avek sa enn ki'n resevwar son lonksyon: Siris, sa enn ki i'n sezi par son lanmen drwat, pour met bann nasyon anba son pouvwar, pour tir batan bann laport devan li, pour detri pouvwar bann lerwa, pour ki bann laport pa reste fermen devan li:

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

1 Samyel 10:1

Samyel ti pran en fyol delwil, ki i ti vers lo latet Sail. I ti anbras li e dir li, “SENYER i konsakre ou koman sef lo son patrimwann.

1 Samyel 10:24

Samyel ti dir lepep, “La sa enn ki SENYER in swazir. Napa personn koman li parmi lepep.” Lepep antye ti kriye, “Viv lerwa!”

1 Samyel 16:3

Envit Zese pour sakrifis e mon ava montre ou ki ou pou fer. Ou ava vers delwil lo latet sa enn ki mon ava dir ou.”