1 Rwa 1:2 - Labib An Kreol Seselwa

² Alor, son serviter ti dir lerwa, “Mon senyer lerwa! Nou ava rod en zenn fiy pour ou; i ava sonny ou e dormi dan bor ou pour sof ou.”

1 Rwa 1:2 ပူးပေါင်းရင်းမြစ်များ

Zenez 16:5

Alor, Sarai ti dir Abranm, “Ou ava responsab konsekans bann lensilt ki mon pe gannyen. Mon'n donn ou mon servant pour dormi avek, e depi ki i konnen ki i ansent, in konmans ay mwan. SENYER ava vin ziz ant mwan ek ou!”

2 Samyel 12:3

Sa zonm pov ti annan zis en pti mouton ki i ti'n aste. I ti sonny li, e in grandi se li ansanm avek son bann zanfan. I ti manz avek li, bwar dan son lakoup, dormi obor li. I ti koman en fiy pour li.

1 Rwa 1:1

Lerwa David ti'n vin byen vye. Menm si zot ti kouver li avek en lenz, i ti kontinyen ganny fre.

1 Rwa 1:3

Zot ti rod en zoli fiy atraver pei Izrael antye. Zot ti trouv en fiy Sounamit ki ti apel Abisag e zot ti anmenn li kot lerwa.

2 Kronik 29:11

Kanta zot, mon bann garson, aret montre neglizans; SENYER in swazir zot pour debout dan son prezans, pour servi li e ofer li lansan.

Ester 2:2

Son bann enik ti dir li, “Fer rod bann zoli zenn fiy vyerz pour ou.

Eklezyas 4:11

Demenm, si de dimoun i dormi ansanm, zot kapab sof kanmarad; me sa ki tousel pou ganny fre.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.