1 Rwa 1:12 - Labib An Kreol Seselwa

¹² Mon ava donn ou en konsey pour ki ou sov ou lavi ek lavi ou garson Salomon.

1 Rwa 1:12 ပူးပေါင်းရင်းမြစ်များ

Zenez 19:17

Letan sa de zonm ti pe anmenn Lot ek son fanmir an deor lavil, sa de zonm ti dir, “Sov zot lavi! Pa vir deryer, pa arete dan laplenn. Sov dan montanny, sankwa zot pou mor.”

1 Rwa 1:13

Al kot lerwa David e dir li: Mon senyer lerwa! Pa ou ti fer sa promes avek mwan? Ou ti dir: Salomon ou garson pou vin lerwa apre mwan e li menm ki pou pran mon tronn. Alor, akoz Adoniya ki'n vin lerwa?

1 Rwa 1:21

Sinon, de ki mon senyer lerwa pou mor, mon garson Salomon ek mwan menm, nou pou ganny trete koman bann koupab.”

2 Rwa 11:1

Ler Atali, manman Akazya ti war ki son garson ti'n mor, i ti deside detri tou lafanmir rwayal.

2 Kronik 21:4

Ler Yoranm ti'n fini byen etabli li lo rwayonm son papa, i ti masakre tou son bann frer ek serten bann sef Izraelit.

2 Kronik 22:10

Ler Atali, manman Akazya, ti antann lanmor son garson, i ti fer detri tou bann desandan fanmir rwayal Zida.

Proverb 11:14

Ler napa bon direksyon, nasyon i tonbe; me bokou konseye i asir laviktwar.

Proverb 15:22

En proze pa reisi si nou pa demann konsey; me i reisi kan i annan bokou konseye.

Proverb 20:18

En plan i ganny fer ler ou pran konsey; pour fer lager, kalkil byen koman dirize.

Proverb 27:9

Delwil ek lansan i fer plezir leker; ladouser lanmitye i vo plis ki ou prop konsey.

Zeremi 38:15

Zeremi ti reponn Sedesyas, “Si mon dir ou laverite, ou pou touy mwan. Si mon donn ou en konsey, ou pa pou swiv li.”

Matye 21:38

Me kan bann lokater ti war son garson, zot ti dir avek kanmarad: La zeritye! Vini, annou touy li e nou ava ganny son propriyete!

Akt de Zapot 27:31

Pol ti dir avek sa zofisye larme ek bann solda, “Si sa bann maren pa reste abor, personn parmi zot pa pou annan en sans sove.”

Ziz 9:5

I ti al Opra, kot son papa; la, i ti touy son bann frer, bann zanfan Yeroub-Baal; an tou 70 zonm lo en sel ros. Ti reste zis Yotanm, dernyen zanfan Yeroub-Baal, akoz i ti'n al kasyet.