1 Pyer 5:9 - Labib An Kreol Seselwa

⁹ Reziste li e reste ferm dan lafwa. Pa oubliye ki zot bann frer dan lemonn antye pe pas par menm soufrans.

1 Pyer 5:9 ပူးပေါင်းရင်းမြစ်များ

Levanzil dapre Lik 22:32

Me mon'n priy pour ou, pour ki ou pa perdi lafwa. Kan ou ava'n retourn ver mwan, ankouraz ou bann frer.”

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

Efezyen 4:27

Pa donn dyab lokazyon pran lavantaz lo zot.

Efezyen 6:16

Touzour pran lafwa pour proteksyon. Avek sa, zot ava kapab tenny dife tou bann dart anflanmen ki dyab i tir lo zot.

Kolosyen 2:5

Menm si mon pa avek zot an personn, mon avek zot an lespri, e mon rezoui pour war ki zot tenir ferm e reste solid dan zot lafwa dan Kris.

1 Tesalonisyen 3:3

pour ki personn parmi zot pa les li dekouraze par bann persekisyon ki nou pe sibir. Annefe, zot konnen ki sa bann persekisyon i fer parti plan Bondye pour nou.

1 Timote 6:12

Konbat sa bon konba pour lafwa. Sezi lavi eternel pour lekel Bondye in apel ou kan ou ti fer sa zoli deklarasyon lo ou lafwa, dan prezans en kantite temwen.

2 Timote 3:12

Dayer, tou dimoun ki oule viv en lavi fidel ini avek Zezi-Kri pou ganny persekite.

2 Timote 4:7

Mon'n konbat en bon konba, mon'n fini sa lakours, mon'n gard lafwa.

Ebre 11:33

Par lafwa, zot ti ganny laviktwar lo bann rwayonm; zot ti etabli lazistis e ganny sa ki Bondye ti'n promet: I ti ferm lagel bann lyon,

Ebre 12:8

Si zot pa ganny korize parey tou zanfan, alor, zot pa bann vre zanfan, me bann zanfan ilezitim.

Let Zak 4:7

Alor, soumet zot kot Bondye, me reziste kont dyab e i ava sov lwen kot zot.

1 Pyer 1:6

Pour sa rezon ki zot dan lazwa, menm si aprezan, zot pe pas, pandan en pti moman, par toudsort difikilte.

1 Pyer 2:21

Pour sa rezon ki Bondye in apel zot, akoz Kris li menm in soufer pour zot; i'n les zot en legzanp pour zot swiv.

1 Pyer 3:14

Kan zot ava soufer pour lazistis, zot pou ere. Pa bezwen per personn, zot napa nanryen pour trakase.

1 Pyer 4:13

Okontrer, zot devre kontan ki zot pe partisip dan soufrans Kris. Konmsa, zot osi, zot ava ranpli avek lazwa, kan son laglwar ava ganny revele.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 6:11

Alor, sakenn ti ganny en rob blan. Zot ti ganny demande pour pasyante ankor en pti pe letan, ziska ki tou zot bann frer ek lezot serviter ki devre ganny touye parey zot, ava ariv son kantite konplet.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.