1 Pyer 5:8 - Labib An Kreol Seselwa

⁸ Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

1 Pyer 5:8 ပူးပေါင်းရင်းမြစ်များ

Ester 7:6

Ester ti reponn, “Sa ladverser, sa lennmi, se Haman, sa move zonm!” Haman ti konmans tranble devan lerwa ek larenn.

Liv Zob 2:2

SENYER ti demann Lakizater, “Kote ou sorti?” Lakizater ti reponn li, “Mon sorti pronmnen en pe partou lo later.”

Psonm 104:21

Bann zenn lyon i kriye letan zot pe rod zot viktim; zot demann Bondye zot manze.

Psonm 109:6

Zot dir: Rod en malfeter pour akiz li; met sa enn ki akiz li debout lo son kote drwat.

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Proverb 20:2

Lakoler en lerwa i parey gronnyman en zenn lyon; sa enn ki fer lerwa ankoler, i riske son lavi.

Proverb 28:15

En dirizan dominer ki gouvern en pep pov, i parey en lyon ler i gronnyen, oubyen en lours ler i atake.

Ezai 50:8

Sa enn ki pou fer mwan zistis i pros. Lekel ki pou afront mwan? Annou debout ansanm! Lekel mon lennmi? Les li vin konfront mwan.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 51:38

Bann zabitan Babilonn pe kriye parey lyon. Zot pe gronnyen parey bann pti lyon.

Ezekyel 19:7

I ti demoli zot fortifikasyon e detri zot lavil. Kan i ti kriye bann zabitan dan pei ti tranble.

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Danyel 6:24

Lerwa ti ordonnen ki bann ki ti'n akiz Danyel, zot ganny anmennen e ganny zete dan kavern lyon, zot, zot zanfan ek zot fanm. Avan menm ki zot ti ariv dan fon lafos, bann lyon ti sot lo zot e kraz zot bann lezo.

Oze 11:10

Zot pou swiv SENYER ki pou kriye parey en lyon. Kan i kriye, son bann zanfan pou taye sorti dan Was an tranblan.

Oze 13:8

Mon pou atak zot parey en lours ki'n perdi son bann piti; mon pou desir zot lapo leker; parey en femel lyon, mon pou devor zot, parey bann zannimo sovaz.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Amos 3:4

Eski en lyon i kriye dan lafore si i pa ankor atrap nanryen pour manze? Eski en zenn lyon i gronnyen dan son trou si i pa'n atrap nanryen?

Amos 3:8

Kan en lyon i kriye, lekel ki pa pou per? Kan Senyer BONDYE in koze lekel ki oze pa anons son mesaz?

Zakari 11:3

Ekout bann berze ki pe plennyen, akoz zot laglwar in disparet. Ekout bann lyon ki pe kriye, akoz lafore dan bor larivyer Zourden in ganny detri.

Zakari 3:1

Apre sa, SENYER ti fer mwan war Gran-Pret Zozye ki ti pe debout devan lanz SENYER. Satan ti pe debout lo son kote dwrat pour akiz li.

Matye 13:39

Lennmi ki senm move zerb i reprezant dyab. Larekolt, se lafen lemonn; bann travayer se bann lanz.

Matye 24:42

Veye alor, akoz zot pa konnen ki zour zot Senyer pou vini.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Matye 4:1

Alor, Lespri ti anmenn Zezi dan dezer, pour li ganny tante par dyab.

Matye 4:11

Alor, dyab ti kit li, e bann lanz ti vin servi li.

Mark 4:15

Bann ki dan bor semen kot Laparol in ganny senmen, se sa bann ki osito zot in antann Laparol, Satan i vini. I aras Laparol ki'n ganny senmen dan zot.

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Lik 22:31

Zezi ti dir Simon Pyer, “Simon, Simon! Satan in demann pouvwar pour li kapab sekwe ou, parey en fermye i sekwe dible pour li separ lagrenn dible ek son lapay.

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

2 Korentyen 2:11

pour ki nou pa les nou ganny tronpe par Satan. Annefe, nou konn byen son bann lentansyon.

Efezyen 4:27

Pa donn dyab lokazyon pran lavantaz lo zot.

Efezyen 6:11

Abiy zot dan tou bann zarm batay ki Bondye i donnen, pour zot kapab reziste kont tou bann riz dyab.

1 Timote 2:15

Sepandan, bann fanm pou ganny sove par vin manman, a kondisyon ki zot persevere dan lafwa, lanmour, lasentete e viv senpleman.

1 Timote 2:9

Mon osi swete ki bann fanm i abiy zot dan en fason desan, diny e senp. Pa bezwen ki zot orn zot seve avek bizou annor, oubyen perl ek labiyman byen ser.

1 Timote 3:11

Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.

Let Pol pour bann Tit 1:8

O kontrer, i devre konn donn lospitalite, kontan sa ki byen, rezonnab, zis, sen e annan kontrol lo son lekor.

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Let Pol pour bann Tit 2:2

Dir bann vyeyar ki zot devre modere dan tou, respektab, rezonnab e solid dan vre lafwa, lanmour ek lapasyans.

Let Pol pour bann Tit 2:4

Ki zot aprann bann zenn fanm ki mannyer pour kontan zot mari ek zot bann zanfan.

Let Pol pour bann Tit 2:6

Ou devre ankouraz bann zennzan pour vin rezonnab.

Let Zak 4:7

Alor, soumet zot kot Bondye, me reziste kont dyab e i ava sov lwen kot zot.

1 Pyer 1:13

Alor, gard zot lespri touzour alert, reste touzour vizilan. Met tou zot lesperans dan lagras ki zot pou resevwar kan Zezi-Kri pou ganny revele.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

Revelasyon 12:10

Alor, mon ti antann en lavwa for sorti dan lesyel ki ti dir: Aprezan, letan delivrans, pwisans, renny nou Bondye, ek lotorite son Mesi in ganny etabli. Annefe, lakizater nou bann frer devan Bondye, lizour koman aswar, in ganny zet deor.

Revelasyon 12:12

Lesyel ek tou bann zabitan! Rezoui! Later ek lanmer! Maler lo zot, akoz dyab in desann kot zot avek en gran lakoler; akoz i konnen ki pa reste li bokou letan.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 20:10

Dyab ki ti pe tronp zot, ti ganny zete dan lak dife avek souf, kot sa bebet ek son profet mansonz ti ete. Zot pou ganny tourmante lizour koman aswar e pour touzour.

Revelasyon 20:2

I ti sezi sa dragon, sa serpan lantikite, setadir dyab oubyen Satan. I ti ansenn li pour 1,000 an.

Ziz 14:5

Sanmson ti desann Timna avek son papa ek son manman. Ler zot ti pre kot plantasyon rezen Timna, en zenn lyon ti vin devan li avek fraka.