1 Pyer 5:6 - Labib An Kreol Seselwa

⁶ Alor, avek limilite, plas zot dan pwisan lanmen Bondye, pour ki dan ler ki i'n fikse, i ava onor zot.

1 Pyer 5:6 ပူးပေါင်းရင်းမြစ်များ

1 Rwa 21:29

“Eski ou'n war ki mannyer Akab in imilye li devan mwan? Akoz in imilye li devan mwan, mon pa pou fer sa bann maler tonm lo li pandan son vivan; me pandan renny son garson ki mon pou fer maler tonm lo son fanmir.”

2 Rwa 22:19

Akoz ou leker in touse, e ou'n imilye ou devan SENYER, ler ou ti antann sa ki mon'n dir lo sa landrwa ek son bann zabitan ki zot pou dan dezolasyon e anba malediksyon; akoz ou'n desir ou lenz e plere devan mwan, mwan osi mon'n ekout ou. SENYER ki deklare.

2 Kronik 12:12

Letan ki Roboanm ti'n imilye li devan SENYER, lakoler SENYER ti kalme kont li e i pa ti detri li konpletman. Annefe, kondisyon ti ase bon dan Zida.

2 Kronik 30:11

Pourtan, detrwa dimoun dan tribi Aser, Manase ek Zabilon ti rekonnet zot tor e zot ti al Zerizalenm.

2 Kronik 32:26

Me, malgre son larogans, Ezekyas ti anfen imilye li avek tou bann zabitan Zerizalenm. Lakoler SENYER ti apeze e i pa ti reazir kont zot pandan renny Ezekyas.

2 Kronik 33:12

Dan son gran maler, Manase ti sipliy faver SENYER son Bondye e i ti imilye li bokou devan Bondye son bann zanset.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

2 Kronik 36:12

I ti fer sa ki ti depler SENYER, son Bondye. I pa ti imilye li devan profet Zeremi ki ti koz lo non SENYER.

Liv Zob 36:22

Gete koman Bondye i gran par son pwisans. Lekel ki kapab ansenny parey li?

Psonm 75:10

Bondye pou detri lorgey bann malfeter; me i pou fer ogmante pouvwar bann zis.

Psonm 89:13

Ou lebra i pwisan; ou lanmen i pwisan, ou lev ou lanmen drwat anler.

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

Egzod 3:19

Mwan mon konnen ki lerwa Lezip pa pou les zot ale, amwen ki i ganny forse par en lanmen solid.

Egzod 32:11

Me Moiz ti sipliy avek SENYER, son Bondye, “SENYER akoz ou pran sa gran lakoler kont ou pep ki ou ti fer sorti Lezip avek gran pwisans e par ou lanmen for?

Proverb 29:23

Lorgey en zonm pour imilye li; me sa enn ki senp, ava ganny loner.

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Ezai 40:4

Tou bann vale pou ganny Konble; tou bann montanny ek tou kolin pou ganny aplati; bann teren abos pou vin drwat; la kot i annan bann ros pou vin plat.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Zeremi 13:18

Al dir lerwa ek son manman: Sorti lo tronn, akoz ou zoli kouronn in tonbe.

Zeremi 44:10

Ziska prezan, personn pa'n eksprim okenn regre, ni lafreyer; personn pa'n swiv mon bann lalwa ek mon bann direktiv ki mon ti donn zot ek zot bann zanset.

Ezekyel 17:21

Bann meyer gerye pou ganny touye dan lager. Bann sirvivan pou disperse dan tou kote. Alor, zot ava konnen ki mwan SENYER, mon'n koze.

Ezekyel 21:6

Alor, ou ki en imen, plennyen avek en leker brize, dan dezespwar anmer devan tou dimoun.

Danyel 5:22

Ou, Baltazar, son garson, ou pa'n imilye ou leker, menm ki ou ti konn tousala.

Levitik 26:41

zot ava konpran ki mwan osi, mon'n opoz zot e anmenn zot dan pei zot bann lennmi. Si zot imilye zot e aksepte pinisyon pour zot pese,

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Matye 23:12

Sa enn ki oule pas pour pli gran, pou ganny imilye, e sa enn ki imilye li, pou pas pour pli gran.”

Levanzil dapre Lik 1:52

I'n tir bann dimoun pwisan lo zot tronn, e i'n elev bann ki senp.

Levanzil dapre Lik 14:11

Annefe, sa enn ki monte, pou bezwen desann, e sa enn ki abes li menm, ava monte.”

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Romen 5:6

Annefe, kan nou ti ankor san okenn lafors, Kris dan letan fikse, ti mor pour bann peser.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

1 Timote 2:6

ki'n donn son lavi pour liber tou bann imen. Dan letan fikse, in anmenn laprev ki Bondye i oule ki tou bann imen i ganny sove.

Let Pol pour bann Tit 1:3

e kan letan ki ti'n fikse ti arive, i ti revel li par son parol dan son mesaz ki i'n konfye mwan e ki mon pe anonse dapre lord Bondye, nou Sover.

Let Zak 4:10

Imilye zot devan Senyer e i ava elev zot.

Let Zak 4:7

Alor, soumet zot kot Bondye, me reziste kont dyab e i ava sov lwen kot zot.

Let Zak 5:10

Mon bann frer! Pran pour legzanp, lasoufrans ek pasyans bann profet ki'n anons mesaz Senyer.