1 Pyer 5:4 - Labib An Kreol Seselwa

⁴ Kan Sef bann berze pou aparet, zot pou resevwar kouronn laglwar ki pa zanmen terni.

1 Pyer 5:4 ပူးပေါင်းရင်းမြစ်များ

Psonm 23:1

SENYER i mon berze. Mon pa pou mank nanryen.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Ezekyel 37:24

Mon serviter David pou vin zot lerwa; zot pou annan en sel berze pour zot tou. Zot ava swiv mon bann komannman, obzerv mon bann regleman e met zot an pratik.

Danyel 12:3

Bann ki annan disernman, pou briye parey lalimyer dan lesyel; bann ki'n diriz lepep ver lazistis, pou briye parey bann zetwal pour touzour e touzour.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.

Levanzil dapre Zan 10:11

Mwan menm bon berze. Bon berze i donn son lavi pour son bann mouton.

1 Korentyen 9:25

Tou bann atlet i soumet zot lekor anba en disiplin strik. Zot, zot fer sa pour en kouronn ki pa dire; me nou, nou fer li pour en kouronn ki pa pou zanmen fannen.

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Pyer 1:4

an atandan bann byen ki i'n rezerve pour zot dan lesyel, ki pa kapab ni gate, ni sali, ni fletri.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

1 Pyer 5:2

Pran byen swen troupo ki Bondye in konfye avek zot koman berze. Vey lo li, pa par obligasyon, me avek bonker, parey Bondye i oule. Pa fer li pour ganny larzan, me avek devouman.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.

Revelasyon 3:11

Mon pe vini byento. Gard byen for sa ki ou posede pour ki personn pa aras ou, ou kouronn.