1 Pyer 5:3 - Labib An Kreol Seselwa

³ Pa rod pour domin lo bann ki'n ganny konfye anba zot responsabilite; me zot devre vin en model pour troupo.

1 Pyer 5:3 ပူးပေါင်းရင်းမြစ်များ

Psonm 33:12

I byennere sa nasyon ki annan SENYER koman son Bondye! I byennere sa pep ki SENYER in swazi pour son patrimwann!

Psonm 74:2

Mazin ou pep ki ou ti swazir depi lontan, tribi ki ou'n sove pour fer li ou pep. Mazin montanny Siyon kot ou'n fer ou demer.

Ezekyel 34:4

Zot pa pran ka avek bann mouton feb, ni sonny sa ki malad e pans sa ki'n ganny blese. Zot pa'n fer retournen sa ki'n egare, ni rod sa ki'n perdi. Me zot in domin lo zot avek lafors e montre zot kriyel.

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Nonm 18:7

Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.

Levanzil dapre Zan 13:15

Annefe, mon'n donn zot en legzanp, pour ki zot osi, zot ava fer parey mon'n fer.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

1 Korentyen 11:11

Sepandan, dan nou lavi avek Senyer, fanm pa endepandan avek zonm, e zonm pa endepandan avek fanm.

1 Korentyen 3:5

Apre tou, ki Apolos i ete? Ki Pol i ete? Bann senp serviter, gras a ki, zot in arive krwar, letan nou pe akonpli travay ki nou Senyer in donn sakenn nou.

1 Korentyen 3:9

Annefe, nou, nou bann kolaborater Bondye. Zot, zot son plantasyon. Zot osi son konstriksyon.

2 Korentyen 1:24

I pa vedir ki nou ti oule komann zot lafwa. Annefe, zot pe reste solid dan lafwa; me nou oule plito kontribye pour rann zot ere.

2 Korentyen 4:5

Annefe, kan nou prese, pa nou menm ki nou pe proklanmen, me Zezi-Kri koman Senyer. Lo nou kote, nou konsider nou koman zot serviter akoz Zezi.

Deterononm 32:9

SENYER ti swazir son pep koman son par, desandan Zakob pour son patrimwann.

Filipyen 3:17

Mon bann frer ek ser! Imit mwan zot tou. Nou'n donn legzanp. Alor, annou gard nou lizye lo sa bann ki swiv sa legzanp.

Filipyen 4:9

Met an pratik sa ki zot in aprann e resevwar avek mwan, swa sa ki zot in antann mwan dir, oubyen sa ki zot in war mwan fer. Bondye, ki donn lape, ava avek zot.

1 Tesalonisyen 1:7

Alor, zot in vin en legzanp pour tou bann krwayan dan Masedwann ek Lagres.

2 Tesalonisyen 3:9

Nou ti azir konmsa, pa akoz nou ti napa drwa resevwar zot led, me akoz nou ti oule donn zot en legzanp pour swiv.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

Let Pol pour bann Tit 2:7

Ou menm, ou devre donn legzanp par bann bon aksyon. Ou devre senser, e serye dan ou lansennyman.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.