1 Pyer 5:2 - Labib An Kreol Seselwa

² Pran byen swen troupo ki Bondye in konfye avek zot koman berze. Vey lo li, pa par obligasyon, me avek bonker, parey Bondye i oule. Pa fer li pour ganny larzan, me avek devouman.

1 Pyer 5:2 ပူးပေါင်းရင်းမြစ်များ

2 Rwa 12:6

Me, ziska venntrwazyenm lannen lerwa Zoas, bann pret pa ti ankor fer okenn reparasyon lo tanp.

Kantik Salomon 1:8

Ou ki pli zoli parmi tou bann fanm! Si ou pa konnen, swiv latras bann mouton e fer ou bann pti kabri manz akote latant bann berze. Zennonm

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Ezai 6:8

Alor, mon ti antann lavwa SENYER ki ti demande, Lekel mon pou anvoye? Lekel ki pou al dan nou plas? Mon ti dir: La mon la! Anvoy mwan!

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Zeremi 13:17

Si, akoz ou vantardiz, ou pa ekoute, mon pour al asiz dan mon kwen. Mon pou al pler bokou, akoz troupo SENYER pe ganny deporte.

Zeremi 13:20

Zerizalenm! Lev ou lizye, gete: Ou bann lennmi pe vini sorti dan Nor! Oli sa troupo ki mon'n konfye ou? Oli sa bann mouton ki ti fer ou fyer?

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Ezekyel 34:31

Zot, zot mon troupo, zot mon bann mouton ki mon nouri; e mwan, mon zot Bondye. Senyer BONDYE ki deklare.

Ezekyel 46:24

Sa zonm ti dir mwan: Sa i bann lakwizin kot bann serviter tanp i bwi lavyann pour sakrifis ki lepep in ofer.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Zakari 11:17

Maler lo sa fo berze, ki abandonn son troupo! Mon demann lepep koup son lebra e krev son lizye kote drwat!

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Nonm 18:7

Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.

Levanzil dapre Lik 12:32

“Pa bezwen per, pti troupo! Zot Papa in pran plezir donn zot son Rwayonm.

Akt de Zapot 20:29

Mon konnen ki apre mon depar, pou annan bann zonm parey loulou feros ki pou enfiltre parmi zot. Personn parmi zot pa pou ganny eparnyen.

Akt de Zapot 21:13

Me Pol ti reponn, “Akoz zot pe plere konmsa e kas mon leker? Mwan mon pare pa zis pour ganny anmare, me menm pour mor pour nou Senyer Zezi dan Zerizalenm.”

Romen 1:15

Pour sa menm rezon ki mon annan sa gran dezir vin anons Bonn Nouvel avek zot ki reste Ronm.

1 Korentyen 9:7

Lekel sa solda ki servi dan en larme, ki bezwen pey son prop fre? Lekel ki plant rezen e napa drwa manz fri son plantasyon? Lekel ki gard mouton san ganny dile son troupo pour li bwar?

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

1 Timote 3:8

Bann dyak osi, zot devret serye e annan en sel parol. Fodre pa ki zot kontan bwar, ni kontan gen malonnet.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Pol pour bann Tit 1:7

Annefe, fodre ki en dirizan Legliz ki en serviter Bondye, i san repros. I pa devre ni arogan, ni malsoufran, ni soular, ni vyolan, ni rod fer profi malonnet.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Let Pol pour bann Tit 3:1

Rapel zot tou, ki zot bezwen soumet zot avek bann dirizan ek bann lotorite e obei zot; ki zot devre touzour pare pour fer tou sa ki byen.

Filemon 1:14

Me mon pa'n oule fer nanryen san ou konsantman. Mon napa lentansyon fors ou fer mwan en faver; me fer li avek bonker.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.