1 Pyer 5:14 - Labib An Kreol Seselwa

¹⁴ Anbras kanmarad avek lafeksyon. Lape ava avek zot tou ki ini avek Kris!

1 Pyer 5:14 ပူးပေါင်းရင်းမြစ်များ

Matye 5:47

Si zot dir bonzour zis zot bann frer, kwa ki ekstraordiner? Menm bann non-Zwif i azir konmsa.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Levanzil dapre Zan 20:19

Tar aswar, sa menm zour ki ti premye zour lasemenn, alor ki bann laport lakaz kot bann disip ti ete ti'n ferm akle, akoz zot ti per bann zwif, Zezi ti aparet e debout parmi zot. I ti dir zot, “Lape i avek zot!”

Levanzil dapre Zan 20:26

En semenn plitar, bann disip Zezi ti'n rasanble ankor dan lakaz e Toma ti la avek zot. Bann laport ti'n fermen akle, me Zezi ti antre e debout la parmi zot. I ti dir, “Lape i avek zot.”

Romen 1:7

Mon ekri zot zabitan Ronm, zot tou ki Bondye i kontan e ki i'n swazir pour viv pour li: Mon demande ki Bondye nou Papa, e Senyer Zezi-Kri i akord zot son lagras ek son lape.

Romen 16:16

Anbras kanmarad fraternelman. Tou bann Legliz Kris i fer zot salanm.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

1 Korentyen 16:20

Tou lezot nou bann frer ki isi i fer zot salanm. Anbras kanmarad fraternelman.

2 Korentyen 13:12

Anbras kanmarad fraternelman. Tou bann krwayan i fer zot konpliman.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

Efezyen 6:23

Mon demande ki Bondye ek son Garson Zezi-Kri i donn tou bann frer dan Kris, lape, lanmour ek lafwa.

1 Tesalonisyen 5:26

Anbras kanmarad koman frer ek ser.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

3 Zan 1:14

Mon espere war ou byento, e nou ava koz fas a fas.