1 Pyer 4:7 - Labib An Kreol Seselwa

⁷ Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

1 Pyer 4:7 ပူးပေါင်းရင်းမြစ်များ

Zenez 19:35

Alor, zot ti fer zot papa bwar diven sa swar osi. Pli zenn fiy ti al dormi avek son papa. Lot ti napa konnesans ni kan son fiy ti al dormi, ni kan i ti leve.

Zenez 6:13

Alor, i ti dir Noe, “Mon'n deside met lafen avek tou. Later i ranpli avek vyolans akoz zonm. Mon pou detri zot ansanm avek later.

Eklezyas 7:2

Plito al dan en lakaz dey, olye al kot i annan festen. Annefe, tou dimoun i pas par lanmor; fodre ki tou vivan i rapel sa.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Ezekyel 7:6

Lafen pe vini, in arive. Maler pe vin tonm lo zot; la in arive!

Matye 24:42

Veye alor, akoz zot pa konnen ki zour zot Senyer pou vini.

Matye 25:13

Zezi ti azoute, “Veye alor, akoz zot pa konn ni zour ni ler.”

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Lik 22:46

Zezi ti dir zot, “Akoz zot pe dormi? Leve, priye, pour zot pa tonm dan tantasyon.”

Romen 12:12

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

1 Korentyen 15:24

Apre sa, lafen tou keksoz pou arive, kan i pou remet larwayote dan lanmen Bondye, son Papa, apre ki i'n detri tou lotorite, tou pouvwar ek tou pwisans.

1 Korentyen 7:29

Mon bann frer ek ser! La sa ki mon oule dir zot: Letan i kourt; aprezan, fodre ki bann zonm ki annan fanm, zot viv konmsi zot napa.

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Filipyen 4:5

Montre zot bon anver tou dimoun. Senyer i pre pour retournen.

Kolosyen 4:2

Persevere dan lapriyer; reste vizilan dan lapriyer ki zot adres Bondye avek rekonesans

2 Timote 4:5

Me ou, kontrol ou dan tou sirkonstans; siport lasoufrans, fer ou travay koman predikater Bonn Nouvel, e ranpli ou devwar dan servis Bondye.

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Ebre 10:25

Annou pa abandonn nou lasanble parey serten parmi zot i abitye fer, me ankouraz kanmarad, sirtou la ki sa Zour Senyer pe aprose.

Ebre 9:26

Otreman, i ti ava bezwen soufer plizyer fwa depi kreasyon lemonn. An realite, i'n aparet en fwa pour tou, la dan lafen letan, pour abolir pese, par ofer son prop lekor an sakrifis.

1 Pyer 1:13

Alor, gard zot lespri touzour alert, reste touzour vizilan. Met tou zot lesperans dan lagras ki zot pou resevwar kan Zezi-Kri pou ganny revele.

1 Pyer 3:7

Zot osi bann mari! Dan lakour, viv dan larmoni sakenn avek son fanm. Tenir kont zot natir ki pli frazil. Tret zot avek respe, akoz zot osi, zot pou resevwar ansanm avek zot, sa kado vre lavi ki sorti kot Bondye. Si zot azir konmsa, zot lapriyer pa pou rankontre okenn lobstak.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

Revelasyon 16:15

La mon pe vini koman en voler! Byennere sa enn ki reste vizilan, e ki gard son lenz lo li, pour li pa mars touni e les war son laont.