1 Pyer 4:6 - Labib An Kreol Seselwa

⁶ Se pour sa rezon ki Bonn Nouvel ti ganny osi anonse avek bann ki'n mor, pour ki menm si zot i'n ganny zize fizikman koman imen, gras a Lespri, zot ava kapab viv lavi Bondye.

1 Pyer 4:6 ပူးပေါင်းရင်းမြစ်များ

Matye 24:9

Zot pou ganny persekite e ganny met anmor. Dimoun pou ay zot akoz mwan.

Romen 8:2

Annefe, Lalwa Lespri ki donn lavi par Zezi-Kri, in rann mwan lib anver lalwa pese ek lanmor.

Galat 2:19

An sa ki konsern Lalwa, lakoz mon lanmor i Lalwa li menm, pour ki mon kapab viv pour Bondye. Mon'n ganny krisifye avek Kris;

Galat 5:25

Si nou viv par Lespri, annou les Lespri osi kontrol nou lavi.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

1 Pyer 3:19

Par pwisans sa menm Lespri, i ti osi al pres avek bann lespri ki ti dan prizon,

Revelasyon 14:18

Answit, en lot lanz, ki ti annan pouvwar lo dife, ti sorti kot lotel. I ti kriy avek en lavwa for avek sa enn ki ti annan fosi byen koupe. I ti dir li: Anvoy ou fosi e fer rekolt bann grap rezen lo later, akoz rezen in mir.