1 Pyer 4:5 - Labib An Kreol Seselwa

⁵ Me sa bann etranze pou bezwen rann kont zot aksyon avek sa enn ki'n pare pour ziz bann ki vivan ek bann ki'n mor.

1 Pyer 4:5 ပူးပေါင်းရင်းမြစ်များ

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Eklezyas 12:14

Akoz Bondye pou ziz tou keksoz ki nou'n fer, tou sa ki dan kasyet, byen ou mal.

Ezekyel 18:30

Alor, pep Izrael! Mon pou ziz sakenn dapre son prop aksyon, Senyer BONDYE i deklare. Sanz ou lavi e abandonn ou bann move mannyer fer. Pa les ou pese detri ou.

Matye 12:36

Mon dir zot: Zour zizman, tou dimoun pou bezwen rann kont sak parol initil ki i'n dir.

Levanzil dapre Lik 16:2

I ti fer apel li e dir li: Ki sa bann rapor ki mon pe gannyen lo ou? Donn mwan en kont lo ou administrasyon, akoz ou pa pou kapab kontinyen koman administrater.

Akt de Zapot 10:42

I'n ordonn nou prese e anons avek lepep ki se li menm ki Bondye in etabli pour ziz bann vivan ek bann mor.

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

Romen 14:9

Kris in mor e in resisite pour li vin Senyer bann mor e bann vivan.

2 Timote 4:1

Mon demann ou solannelman devan Bondye e devan Zezi-Kri ki pou ziz bann vivan ek bann mor; mon demann ou lo non retour Zezi-Kri e lo non son Renny:

Let Zak 5:9

Mon bann frer! Pa bezwen plenny kont kanmarad, pour zot pa ganny zize. Ziz i pros pou aparet; i devan laport.