1 Pyer 4:3 - Labib An Kreol Seselwa

³ Annefe, pandan ase lontan, zot in viv parey bann etranze, dan vis, move dezir, lavi soular, bann parti bwar avek move aksyon ek ladorasyon zidol degoutan.

1 Pyer 4:3 ပူးပေါင်းရင်းမြစ်များ

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

1 Rwa 21:26

I ti komet bann aksyon degoutan e ador bann zidol, parey bann Amorit ki Bondye ti detri devan pep Izrael.

2 Kronik 15:8

Apre ki lerwa Asa ti'n antann sa bann parol profet Azarya, garson Oded, i ti repran kouraz pour detri tou bann zidol degoutan, dan bann rezyon Zida ek Benzamen antye, dan tou bann lavil ki i ti'n pran dan rezyon montanny Efraim e dan bann lavil ki i ti'n kaptire. I ti repar lotel SENYER ki ti devan lantre tanp SENYER.

Ezai 28:7

Bann pret ek bann profet osi in egare; soule avek diven; labwason for i fer zot drive; zot lespri in noye dan diven; zot perdi lekilib avek bann labwason for; zot pa war kler; zot rabase ler zot rann zizman.

Ezai 5:11

Maler lo zot ki lev granmaten pour al rod labwason for e ki trennen sou avek diven, ziska tar dan lannwit.

Ezai 65:4

ki reste dan bann latonm e pas lannwit dan bann kavern ros; ki manz lavyann pork. Tou zot bann resipyan i ranpli avek manze enpir.

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Ezekyel 44:6

Dir sa bann rebel, pep Izrael: La sa ki Senyer BONDYE i deklare: Izrael, mon'n ganny ase avek ou bann pratik degoutan.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Mark 7:22

adilter, lanvi pour keksoz dimoun, mesanste, riz, lavi dezord, zalouzi, kalonmni, vantardiz, nwizans.

Akt de Zapot 17:30

Bondye nepli tenir kont bann letan kan bann imen ti pe viv dan linyorans. Me aprezan i apel tou dimoun dan nenport ki landrwa pour sanz zot mannyer viv.

Romen 13:13

Annou konport nou avek dinyite parey dimoun ki pe viv an plen zour. Annou prezerv nou kont bann move fason viv tel ki: Fer parti bwar, dezord ek vis, dispit ek zalouzi.

1 Korentyen 12:2

Zot konnen ki kan zot pa ti'n ankor konn Bondye, zot ti ganny antrennen ver bann zidol ki pa koze.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

2 Korentyen 12:21

Mon per ki kan mon ariv kot zot, mon Bondye ava imilye mwan devan zot. Mon ava bezwen plere lo bokou parmi zot ki'n kontinyen komet pese parey dan lepase; ki pa'n abandonn zot lavi dezord, limoralite ek vis ki zot ti pratike.

Galat 5:19

La bann aksyon ki sorti kot natir imen: Limoralite, lenpirte, vis,

Galat 5:21

groker, parti bwar ek manze, ek lezot aksyon parey ankor. Mon averti zot parey mon'n deza fer li: Bann ki pratik sa bann keksoz parey, pa pou erit Rwayonm Bondye.

Efezyen 5:18

Pa bezwen soul zot avek diven, akoz sa pou zis antrenn zot dan en lavi dezordonnen. O kontrer, zot devre ranpli avek Lespri Sen.

1 Tesalonisyen 4:5

Pa les zot ganny dominen par bann move dezir parey bann ki pa konn Bondye.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

1 Pyer 1:14

Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.