1 Pyer 4:2 - Labib An Kreol Seselwa

² pour li viv leres son lavi, non pa dapre son dezir imen, me dapre lavolonte Bondye.

1 Pyer 4:2 ပူးပေါင်းရင်းမြစ်များ

Psonm 143:10

Ansenny mwan pour fer ou lavolonte, akoz ou mon Bondye. Par ou bon lespri, kondwir mwan lo en semen kot napa danze.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Matye 12:50

Sa enn ki fer lavolonte mon Papa ki dan lesyel, li menm, mon frer, mon ser, mon manman.”

Matye 20:4

I ti dir zot, “Zot osi al travay dan mon plantasyon rezen. Mon ava donn zot en lapey ki zis.”

Matye 21:31

Lekel ant sa de ki ti fer lavolonte son papa?” Zot ti reponn, “Sa enn premye.” Alor, Zezi ti dir zot, “Mon dir zot, sa i laverite: Bann kolekter taks ek bann prostitye pou antre dan Rwayonm Bondye avan zot.

Matye 7:21

Pa tou sa ki apel mwan: Senyer, Senyer, ki pou antre dan Rwayonm lesyel, me zis sa bann ki fer lavolonte mon Papa ki dan lesyel.

Mark 3:35

Sa enn ki fer lavolonte Bondye, li menm mon frer, mon ser ek mon manman.”

Mark 7:21

Annefe, se dan leker dimoun ki tou sa bann move keksoz i sorti: Move panse, move aksyon, vol, krim,

Levanzil dapre Zan 1:13

Zot pa'n ne par en nesans natirel, ni par lavolonte zonm, me par lavolonte Bondye.

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Romen 14:7

Annefe, personn pa viv pour li menm, e personn pa mor pour li menm.

Romen 6:11

Se pour sa rezon ki zot osi, zot devre konsider zot koman mor pour pese, me vivan pour Bondye, ini avek Zezi-Kri.

Romen 6:2

Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Romen 7:4

Mon bann frer ek ser! Pour zot osi i parey. Ini avek lekor Kris, zot in mor anver Lalwa. Aprezan zot viv pour sa enn ki'n resisite pour zot kapab raport fri pour Bondye.

2 Korentyen 5:15

Si i'n mor pour tou dimoun, se pour ki bann vivan pa viv zis pour zot menm, me pour sa enn ki'n mor e ki'n resisite pour zot.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

Efezyen 5:17

Pour sa rezon, pa bezwen viv koman bann fou, me fer tou zot posib pour zot konpran koman Senyer i oule zot azir.

Efezyen 6:6

Pa fer konmsa zis kan zot met i war zot, zis pour fer li plezir. Me avek tou zot leker, fer lavolonte Bondye, koman bann serviter Kris.

Kolosyen 1:9

Pour sa rezon, depi ki nou'n antann koz lo zot, nou'n kontinyen priy pour zot. Nou demann Bondye pour fer zot konn plennman son lavolonte, avek lasazes ek disernman ki son Lespri i donnen.

Kolosyen 3:3

Annefe, zot in mor e zot lavi i kasyet avek Kris, dan Bondye.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

1 Tesalonisyen 5:18

Dan tou sirkonstans, remersye Bondye. Sa i lavolonte Bondye pour zot avek Zezi-Kri.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

1 Pyer 1:14

Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

1 Pyer 2:1

Alor, rezet, tou kalite mesanste, frod, lipokrizi, zalouzi ek medizans.

1 Zan 2:17

Lemonn ek tou son bann dezir pou disparet. Me sa enn ki fer lavolonte Bondye i viv pour touzour.