1 Pyer 4:16 - Labib An Kreol Seselwa

¹⁶ Me, si en dimoun pe soufer akoz i en Kretyen, i pa devre onte. Okontrer, i devre plito rann glwar Bondye, akoz i kapab port sa non.

1 Pyer 4:16 ပူးပေါင်းရင်းမြစ်များ

Ezai 24:15

Zabitan dan rezyon Les! Rann glwar SENYER. Zot ki reste dan bann zil! Loue non SENYER, Bondye Izrael.

Ezai 50:7

Senyer BONDYE in ed mwan. Pour sa rezon ki mon pa sibir dezoner. Alor, mon fer mon figir vin dir parey ros e mon konnen ki mon pa pou kanmi.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Akt de Zapot 11:26

Kan i ti'n war li, i ti anmenn li Antyos. Zot ti pas enn an ansanm avek sa Legliz e zot ti ansenny en kantite dimoun. Se la Antyos ki pour premye fwa, bann krwayan ti ganny apele kretyen.

Akt de Zapot 26:28

Agripa ti dir Pol, “Ou krwar ki dan en pti moman ou kapab fer mwan vin kretyen?”

Akt de Zapot 28:22

Me nou ti anvi konn ou lopinyon, akoz partou, bokou dimoun pe koz kont sa group ki ou ladan.”

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Filipyen 1:20

Mon pli gran dezir e mon lespwar, se ki mon pa zanmen onte. O kontrer, ranpli avek kouraz, vivan oubyen mor, mon pou fer loner Kris, dan mon lekor.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

Let Zak 2:7

Sanmenm sa bann dimoun ki koz mal kont sa zoli non ki zot ti gannyen.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 4:11

Sa enn ki prese, i devre transmet Parol Bondye. Sa enn ki rann servis, i devre fer li avek lafors ki Bondye in donn li: Fodre ki dan tou, Bondye i ganny glorifye par Zezi-Kri, ki posed laglwar, lapwisans pour touzour! Amenn.

1 Pyer 4:14

Si zot ganny maltrete akoz non Kris, zot devre ere, akoz Lespri laglwar, Lespri Bondye i repoz lo zot.

1 Pyer 4:19

Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.