1 Pyer 4:1 - Labib An Kreol Seselwa

¹ Alor, akoz Kris in soufer fizikman, zot osi, zot devre annan sa menm konviksyon. Annefe, sa enn ki'n soufer fizikman, i'n fini avek pese,

1 Pyer 4:1 ပူးပေါင်းရင်းမြစ်များ

Ezai 1:16

Lav zot! Pirifye zot! Tir sa bann move keksoz devan mwan. Aret fer sa ki mal.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Mark 3:3

Zezi ti dir sa zonm avek lanmen paralize, “Leve! Vin isi devan tou dimoun.”

Romen 6:11

Se pour sa rezon ki zot osi, zot devre konsider zot koman mor pour pese, me vivan pour Bondye, ini avek Zezi-Kri.

Romen 6:2

Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Romen 6:7

Annefe, en dimoun ki'n mor, i'n ganny libere anba pouvwar pese.

Galat 2:20

nepli mwan ki pe viv, me Kris ki pe viv dan mwan. Lavi ki mon annan aprezan, mon viv li par lafwa dan Garson Bondye ki'n kontan mwan. Li menm ki'n donn son lavi pour mwan.

Galat 5:24

Me bann ki pour Zezi-Kri, in krisifye zot prop natir imen avek zot bann pasyon ek zot bann dezir.

Efezyen 6:13

Pour sa rezon, zot devre met lo tou bann zarm ki Bondye in donn zot. Alor, kan bann move zour ava arive, zot ava kapab defann zot kont latak lennmi. Kan zot ava'n fini lite ziska zot dernyen zour, zot ava ankor kapab tenir ferm.

Deterononm 27:10

Alor, ou ava obei SENYER, ou Bondye, e met an pratik son bann komannman ek son bann regleman ki mon pe ordonn ou ozordi.

Filipyen 2:5

Zot devre annan menm konportman ant zot, parey dimoun ki ini avek Zezi-Kri:

Ebre 12:3

Mazin en pe ki mannyer i'n siport otan lopozisyon delapar bann peser. Pa les ou ganny dekouraze, ni dezespere.

Ebre 4:10

Annefe, sa enn ki antre dan sa repo Bondye, i repoze avek son travay, parey Bondye ti repoze avek sa ki pour li.

1 Pyer 2:21

Pour sa rezon ki Bondye in apel zot, akoz Kris li menm in soufer pour zot; i'n les zot en legzanp pour zot swiv.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.