1 Pyer 3:9 - Labib An Kreol Seselwa

⁹ Pa rann lemal pour lemal, ni lensilt pour lensilt. Okontrer, reponn par loue Senyer, akoz pour sanmenm sa, ki Bondye in apel zot, pour resevwar son benediksyon.

1 Pyer 3:9 ပူးပေါင်းရင်းမြစ်များ

Zenez 42:25

Zozef ti donn lord pour ranpli zot sak avek dible e remet zot larzan dan zot sak. I ti osi fer donn zot provizyon pour semen retour. I ti fer sa pour zot.

Proverb 17:13

Maler pa pou zanmen kit lakaz sa enn ki rann lemal pour lebyen.

Proverb 20:22

Pa dir: Mon pou rann lemal pour lemal. Met ou konfyans dan SENYER e i ava sov ou.

Proverb 28:10

Sa enn ki antrenn en dimoun drwat lo move semen, pour tonm dan trou ki i'n fouye. Me dimoun ki drwat pou ere.

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Matye 5:39

Me mwan mon dir zot: Pa tir vanzans lo en dimoun ki'n fer ou ditor. Si en dimoun i donn ou en kalot lo ou lazou drwat, prezant li lazou gos osi.

Matye 5:44

Me mwan mon dir zot: Kontan zot bann lennmi e priy pour bann ki persekit zot.

Mark 10:17

Koman Zezi ti pe sorti pour li ale, en zonm ti tay kot li. I ti met li azenou devan Zezi e demann li, “Bon Met! Ki fodre mon fer pour ganny lavi eternel?”

Levanzil dapre Lik 10:25

Alor, en profeser Lalwa ti leve pour esey met Zezi dan en pyez. I ti demann li, “Met! Ki fodre mon fer pour erit lavi eternel?”

Levanzil dapre Lik 18:18

En sef Zwif ti demann Zezi, “Bon Met! Ki fodre mon fer pour mwan erit lavi eternel?”

Romen 12:14

Demann Bondye beni bann ki persekit zot; demann li pour beni zot, pa pour modi zot.

Romen 12:17

Pa rann personn mal pour mal. Me fer tou sa ki posib pour fer sa ki byen devan tou dimoun.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

Romen 8:30

Bann ki Bondye in destinen davans, i'n osi apel zot. Bann ki i'n apele, i'n osi rann zot zis devan li. Bann ki i'n zistifye, i'n osi fer zot partisip dan son mazeste.

Galat 3:14

Konmsa ki benediksyon ki ti'n ganny promet avek Abrahanm, in osi ganny donn avek bann non-Zwif, gras a Zezi-Kri. Alor, par lafwa, nou resevwar Lespri ki Bondye in promet.

Efezyen 4:32

O kontrer, viv bon, ranpli avek lafeksyon anver kanmarad; pardonn kanmarad, parey Bondye in pardonn zot par Kris.

1 Tesalonisyen 5:15

Fer atansyon ki personn pa rann mal pour mal, me dan tou lokazyon, esey touzour fer dibyen kanmarad, ensi ki tou lezot dimoun.

Ebre 12:17

Zot konnen ki plitar i ti oule resevwar benediksyon son papa, me i ti ganny rezete. I pa ti trouv okenn fason repanti, menm si i ti rod sa benediksyon avek larm.

Ebre 6:14

Alor i ti deklare: Mon pou beni ou e donn ou en kantite desandan.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Samyel 26:11

Me SENYER ava pini mwan, si mon met lanmen lo sa enn ki SENYER in konsakre. Aprezan, mon demann ou pran sa lans ki pre avek son latet ek sa gargoulet delo e annou ale.”