1 Pyer 3:3 - Labib An Kreol Seselwa

³ Pa rod fason fer zot zoli par bann mwayen eksteryer, dan mannyer zot penny zot seve, avek bizou annor, zoli lenz ki kout ser.

1 Pyer 3:3 ပူးပေါင်းရင်းမြစ်များ

Zenez 24:22

Kan bann samo ti'n fini bwar, i ti donn sa fiy en bag annor ki ti pez apepre 6 granm e met de brasle annor ki ti pez apepre 100 granm sak, pour met lo son pwannyen.

Zenez 24:47

Mon ti demann li: Ou Fiy lekel? I ti reponn: Mwan fiy Betouel, garson Nahor ek Milka. Alor, mon ti met sa bag lo son nennen ek bann brasle lo son lebra.

Zenez 24:53

I ti prezant Rebeka bann bizou larzan ek lor, avek bann lenz. I ti osi donn son frer ek son manman bann kado ser.

2 Rwa 9:30

Kan Zezabel ti aprann ki Zehou ti'n ariv Zizreel, i ti met far lo son lizye, aranz son seve e al get par lafnet.

Ester 5:1

Son trwazyenm zour, Ester ti met bann lenz rwayal e antre dan lakour enteryer pale rwayal vizavi pale. Lerwa ti pe asiz lo son tronn rwayal dan pale vizavi lantre.

Psonm 45:9

Parmi bann fiy i annan bann prenses. Larenn i debout lo ou kote drwat avek lor sorti Ofir.

Egzod 3:22

Sak fanm ava demann son vwazen Ezipsyen e sa bann ki reste dan son lakaz, bann lobze annarzan, bann lobze annor ek bann lenz ki zot ava abiy zot garson ek zot bann fiy. Dan sa fason, zot ava depouy bann Ezipsyen.

Egzod 32:2

Aaron ti dir zot, “Tir bann zanno lor ki dan zorey zot fanm, zot garson ek zot fiy, e anmenn kot mwan.”

Egzod 33:4

Kan pep Izrael ti antann sa bann parol menasan, zot ti met dey; personn pa ti met en lenz lafet.

Egzod 35:22

Zonm ek fanm ti vini; tou bann ki ti annan en leker zenere, ti anmenn swa bag nennen, zanno, bag, diferan lobze annor. Bann zonm ti ofer SENYER lor koman lofrann dapre bann rityel prezantasyon.

Egzod 38:8

I ti fer basen an bronz avek son sipor an bronz, bann laglas pour bann fanm ki ti fer zot servis devan lantre Latant Rankont.

Ezai 52:1

Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 4:30

Zerizalenm! Ou pe al ganny detri. Akfer ou'n met ou pli zoli rob rouz? Akfer ou'n met ou bann bizou annor? Akfer ou'n penn ou lizye pou fer ou zoli? Me tousala pa servi dan nanryen; ou bann lanmoure in rezet ou e zot oule touy ou.

Ezekyel 23:40

Anplis, zot in anvoy mesaze envit zonm sorti dan pei elwannyen. Zot in vini. Pour sa bann zonm, zot in bennyen, penn zot lizye, kouver zot avek bizou.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

1 Pyer 3:2

Zot ava war ki zot kondwir zot dan en fason ki pir e respektab.