1 Pyer 3:20 - Labib An Kreol Seselwa

²⁰ savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.

1 Pyer 3:20 ပူးပေါင်းရင်းမြစ်များ

Zenez 6:13

Alor, i ti dir Noe, “Mon'n deside met lafen avek tou. Later i ranpli avek vyolans akoz zonm. Mon pou detri zot ansanm avek later.

Zenez 6:3

Alor, SENYER ti dir: Mon lespri pa pou reste touzour dan bann et imen, akoz i zis laser. Son lavi pou dire zis 120 an.

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 6:8

Me Noe ti trouv faver devan SENYER.

Zenez 7:13

Sa menm zour, Noe ti antre dan lars avek son trwa garson, Senm, Kanm ek Zafet, son fanm ek bann fanm son trwa garson,

Zenez 8:1

Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

Zenez 8:18

Alor, Noe ti sorti dan lars avek son bann garson, son fanm ek bann fanm son bann garson.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Matye 7:14

Me laport e semen ki anmenn ver lavi i etrwat e difisil. Napa bokou ki trouv li.

Levanzil dapre Lik 12:32

“Pa bezwen per, pti troupo! Zot Papa in pran plezir donn zot son Rwayonm.

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Romen 9:22

Alor, Bondye in oule montre son lakoler e fer konnen son pwisans. Pourtan, in siport avek en gran pasyans bann ki merit son lakoler e ki ti pare pour destriksyon.

Efezyen 5:26

I'n fer sa pour konsakre Legliz pour Bondye, apre ki i'n pirifye li par delo ek laparol.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Pyer 1:9

Annefe, zot pre pour resevwar zot delivrans ki rekonpans pour zot lafwa.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

1 Pyer 3:19

Par pwisans sa menm Lespri, i ti osi al pres avek bann lespri ki ti dan prizon,

1 Pyer 4:19

Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.

2 Pyer 2:5

Bondye pa'n eparny lemonn ansyen, me i ti anvoy deliz lo son bann move zabitan. I ti prezerv lavi wit dimoun ansanm avek Noe, ki ti proklanm lazistis.

2 Pyer 3:15

Konsider pasyans nou Senyer koman en mwayen pour sov nou, parey nou frer Pol in ekri zot avek lasazes ki Bondye in donn li.