1 Pyer 3:17 - Labib An Kreol Seselwa

¹⁷ Vomye soufer an fezan dibyen, si sa i lavolonte Bondye, plito ki fer sa ki mal.

1 Pyer 3:17 ပူးပေါင်းရင်းမြစ်များ

Matye 26:39

I ti al en pti pe pli lwen. I ti tonm lafas ater e priye: Mon Papa! Si posib, fer sa lakoup pas lwen avek mwan. Sepandan, pa fer dapre mon lavolonte, me dapre ou lavolonte.

Matye 26:42

Zezi ti al ankor en fwa pour priye. I ti dir: Mon Papa! Si i posib, elwanny sa lakoup devan mwan san ki mon bezwen bwar li. Me ki ou lavolonte ki ganny akonpli.

Akt de Zapot 18:21

I ti kit zot an dizan, “Mon ava retourn kot zot, si Bondye i oule.” Alor, i ti kit Efez par bato.

Akt de Zapot 21:14

Nou pa ti kapab konvenk li. Alor, nou ti aret ensiste. Nou ti dir, “Les lavolonte Senyer ganny akonpli.”

1 Pyer 1:6

Pour sa rezon ki zot dan lazwa, menm si aprezan, zot pe pas, pandan en pti moman, par toudsort difikilte.

1 Pyer 2:15

Annefe, sa ki Bondye i oule, se ki par zot bann bon aksyon, zot ferm labous bann ki stipid ek bann ki bet.

1 Pyer 2:20

Annefe, ki benefis en dimoun i gannyen, si i bezwen siport move tretman pour fot ki i'n fer? Me si ou soufer avek pasyans pour sa ki ou'n byen fer, sa i ganny aprouve par Bondye.

1 Pyer 3:14

Kan zot ava soufer pour lazistis, zot pou ere. Pa bezwen per personn, zot napa nanryen pour trakase.

1 Pyer 4:15

Ki personn parmi zot pa soufer koman en kriminel, oubyen en voler, en bandi, oubyen koman bann ki'n mel li dan zafer lezot.

1 Pyer 4:19

Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.