1 Pyer 3:15 - Labib An Kreol Seselwa

¹⁵ Me dan zot leker, rann glwar Kris koman zot Senyer. Zot devre touzour pare pour reponn bann ki demann zot leksplikasyon konsernan lesperans ki dan zot.

1 Pyer 3:15 ပူးပေါင်းရင်းမြစ်များ

Psonm 119:46

Mon pa pou onte fer konnen ou bann lord devan bann lerwa.

Proverb 15:28

Sa enn ki zis i reflesi avan reponn; labous en malfeter i kras move parol.

Proverb 22:21

pour fer ou konn sa ki byen e vre, pour ou kapab reponn avek sa enn ki anvoy ou, par bann parol laverite?

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 29:23

Akoz ler son bann zanfan ava war mervey ki mon lanmen in fer parmi zot, zot ava beni mon non; zot ava rekonnet ki mon non sakre i dan Izrael; zot ava respekte Bondye Izrael.

Ezai 41:21

SENYER i deklare: Prezant ou ka, Anmenn ou bann laprev, lerwa Zakob i deklare.

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Ezai 8:12

Pa pran par dan son konplo sak fwa ki sa pep i koz lo konplo. Pa per sa ki sa pep i per. Pa les li fer ou per.

Nonm 20:12

Alor, SENYER ti dir Moiz ek Aaron: Akoz zot pa'n krwar dan mwan pour montre mon sentete devan pep Izrael, pa zot ki pou fer antre sa pep dan sa pei ki mon'n promet zot.

Nonm 27:14

Annefe, zot tou le de, zot ti revolte kont mon lord dan dezer Sin. Kan lepep ti revolte kont mwan, ou pa ti fer konnen mon sentete devan zot.” Sa ti lo size sours delo Meriba, savedir rebel, ki sorti Kades dan dezer Sin.

Akt de Zapot 21:39

Pol ti reponn, “Mon en Zwif, ne Tars, an Silisi. Mon sitwayen en lavil enportan. Silvouple, les mwan koz avek lepep.”

Akt de Zapot 24:25

Me koman Pol ti konmans koz lo lazistis, kontrol lo ou prop lekor, e lo zizman ki devre arive, Feliks ti per. I ti dir li, “Ou kapab ale aprezan, kan mon ava annan letan, mon ava fer apel ou.”

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Kolosyen 1:5

Kan pour premye fwa mesaz laverite, Bonn Nouvel, ti ariv kot zot, zot ti ganny anonse lesperans ki ti rezerve pour zot dan lesyel. Se pour sa rezon, ki zot lanmour ek zot lafwa i fonde lo sa ki zot pe espere.

Kolosyen 4:6

Veye ki zot parol i touzour agreab e enteresan, pour zot kapab donn bann repons valab tou dimoun.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 6:1

Alor, annou les deryer nou sa lansennyman elemanter lo Kris; annou avanse pour ariv lo en nivo matirite. I pa neseser ki nou poz fondasyon sa mesaz, setadir: Nesesite pour aret fer bann move aksyon, e krwar dan Bondye,

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.

1 Pyer 3:2

Zot ava war ki zot kondwir zot dan en fason ki pir e respektab.

1 Pyer 3:4

Me zot labote i devret en labote enteryer, dan leker, kot i pa kapab disparet. Labote en lespri bon e trankil ki annan en gran valer devan Bondye.

1 Samyel 12:7

Aprezan, reste debout; mon pou rakont zot dan prezans SENYER, tou bann keksoz ki SENYER in fer pour zot ek zot bann zanset pour etablir lazistis.