1 Pyer 3:12 - Labib An Kreol Seselwa

¹² Annefe, lizye Senyer i fikse lo bann zis. Son zorey i ouver pour ekout zot lapriyer. Me vizaz Senyer i tourn kont bann ki fer sa ki mal.

1 Pyer 3:12 ပူးပေါင်းရင်းမြစ်များ

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

2 Kronik 7:15

Mon pou ouver mon lizye byen gran, mon pou ekout lapriyer ki sorti la dan sa landrwa.

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 33:18

Me SENYER i vey lo sa enn ki annan respe pour li; lo sa enn ki'n met son konfyans dan li,

Psonm 65:2

Akoz ou ekout nou lapriyer, tou zabitan later ava tourn ver ou.

Psonm 80:16

Lennmi in met dife ladan, in koup li. Dan ou lakoler, fer zot disparet devan ou.

Proverb 15:29

SENYER i reste lwen avek bann malfeter; me i ekout lapriyer sa enn ki zis.

Proverb 15:3

Lizye SENYER i partou; i obzerv dimoun bon koman move.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 39:12

Al sers Zeremi e pran byen swen avek li. Pa fer li dimal, me tret li parey i ava demann ou.

Ezekyel 15:7

Mon pou azir kont zot; zot krwar zot in sove dan dife, me dife pou detri zot. Kan mon pou azir kont zot, zot ava konnen ki mwan menm SENYER.

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Levanzil dapre Zan 9:31

Nou konnen ki Bondye pa ekout bann ki viv dan pese, me i ekout dimoun ki annan respe pour li, e ki fer son lavolonte.

Deterononm 11:12

en pei ki SENYER, ou Bondye i pran swen avek. Lizye SENYER, ou Bondye i touzour lo li, depi konmansman lannen ziska lafen lannen.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.