1 Pyer 2:6 - Labib An Kreol Seselwa

⁶ Annefe, Lekritir i deklare: La mon poz dan Siyon en ros. En ros kwen presye ki'n ganny byen swazir. Sa enn ki krwar dan li pa pou dezapwente.

1 Pyer 2:6 ပူးပေါင်းရင်းမြစ်များ

Zenez 49:24

me in tenir ferm lo son lans. Son lebra in reste daplon. Par lafors Bondye Zakob, ou'n vin Berze e Ros protekter Izrael.

Psonm 40:14

Fer onte bann ki esey touy mwan. Fer rekile e met dan konfizyon tou bann ki rod mon maler.

Psonm 89:19

Dan en vizyon, ou ti koz avek ou bann fidel. Ou ti dir zot: Mon'n poz en kouronn lo en zonm for; mon'n fer loner en zonm ki'n ganny swazir parmi mon pep.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Ezai 41:11

Tou bann ki fase avek ou pou ganny kouver avek laont ek imilyasyon. Tou bann ki pe rod fer lager kont ou pou ganny detri e disparet.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Ezai 50:7

Senyer BONDYE in ed mwan. Pour sa rezon ki mon pa sibir dezoner. Alor, mon fer mon figir vin dir parey ros e mon konnen ki mon pa pou kanmi.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Danyel 10:21

Me, mon bezwen anons ou sa ki'n ganny ekri dan liv Laverite.” Napa personn pour ed mwan kont zot, eksepte Mikael, sef lanz.

Zakari 10:4

Ros prensipal pou sorti dan Zida; solid koman pike latant, for koman lark lager.

Matye 12:18

La mon serviter ki mon'n swazir, sa enn ki mon kontan, e dan ki mon'n met tou mon lazwa. Mon pou met mon Lespri lo li, pour li anons lazistis avek tou bann nasyon.

Mark 12:10

Eski zot pa'n lir dan Lekritir? Sa ros ki bann travayer in rezete, in vin ros prensipal dan fondasyon.

Levanzil dapre Lik 20:17

Me Zezi ti get zot. I ti demande, “Alor ki savedir sa pasaz kot i'n ekri: Sa menm ros ki bann travayer ti rezete, in vin ros prensipal dan fondasyon.

Levanzil dapre Lik 23:35

Lepep ti pe debout la pour gete. Bann sef Zwif ti boufonn li: I ti sov lezot! Si li menm Mesi, sa enn ki Bondye in swazir, sov son lekor aprezan!

Levanzil dapre Zan 7:38

Parey Lekritir i dir: Sa enn ki krwar dan mwan, bann larivyer delo lavi pou sorti dan son leker.”

Akt de Zapot 1:16

“Mon bann frer! Fodre ki sa ki Lespri Sen in anonse davans dan Lekritir, par labous David konsernan Zida, ki ti servi koman gid pour bann ki ti vin aret Zezi, i realize.

Romen 10:11

Annefe, Lekritir i deklare: Sa enn ki krwar dan li, pa pou dezapwente.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Efezyen 2:20

Zot osi, zot form parti sa konstriksyon ki annan bann zapot ek bann profet pour fondasyon, avek Zezi-Kri li menm koman premye pyer.

2 Timote 3:16

Tou Lekritir i enspire par Bondye e i itil pour ansennyen, pour koriz lerer, pour remet drwat, e pour form en bon mannyer viv.

1 Pyer 2:4

Apros zot avek li, sa ros vivan ki zonm in rezete, me ki Bondye in swazir e ki presye pour li.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

2 Pyer 1:20

Avan tou, zot devre byen konpran ki personn pa kapab donn son prop lenterpretasyon lo okenn profesi dan Lekritir.

2 Pyer 3:16

Annefe, i koz lo sa size dan tou son bann let. I annan serten pasaz difisil pour konpran, ki serten dimoun inyoran san formasyon, i deform son sans. Zot fer parey avek lezot parti Lekritir. Sa i pour zot prop pert.