1 Pyer 2:24 - Labib An Kreol Seselwa

²⁴ Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

1 Pyer 2:24 ပူးပေါင်းရင်းမြစ်များ

Zenez 22:6

Abrahanm ti pran dibwa pour lofrann e donn son garson Izaak pour anmennen; li, i ti anmenn kouto ek dife. Alor, tou le de ti kontiny semen.

Psonm 147:3

I geri bann ki leker in perdi lespwar. I pans zot bann blesir.

Psonm 38:4

Mon bann fot in kouver mwan; zot in vin en fardo tro lour pour mwan.

Egzod 28:38

Sa fler ava lo fron Aaron kan i prezant li devan mwan. Konmsa, Aaron ava kapab prezant bann fot ki ganny komet anver bann lofrann ki bann Izraelit i ofer, e anver tou zot bann donasyon sakre. Aaron ava port sa bizou lo son fron toultan, pour ki bann lofrann i ganny aksepte devan SENYER.

Proverb 20:30

Sikatris en blesir i en remed kont lemal; bann kou i penetre ziska dan profon leker.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Levitik 16:22

Alor, sa bouk ava pran lo li tou pese Izrael e i ava ganny anmennen dan en landrwa dezer, kot i ava ganny large.

Levitik 22:9

Bann pret ava akonpli tou sa ki mon'n ordonnen, san rann zot koupab pour en pese profanasyon ki anmenn lanmor. Mwan menm SENYER ki rann zot sen.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Nonm 18:22

Apartir ozordi, bann Izraelit pa devre apros Latant Rankont SENYER, san ki zot rann zot koupab e pangar zot mor.

Nonm 7:15

en toro, en mouton mal adilt, en zenn mouton aze enn an pour sakrifis konplet;

Matye 27:26

Alor, Pilat ti larg Barabas. Apre ki i ti'n fer fwet Zezi, i ti livre li dan zot lanmen pour li ganny krisifye.

Matye 5:20

Mon asir zot: Si zot fidelite anver lavolonte Bondye pa depas fidelite bann profeser Lalwa ek bann Farizyen, zot pa pou kapab antre dan Rwayonm lesyel.

Matye 8:17

Alor, sa ki profet Ezai ti'n anonse, ti ganny realize: I'n pran nou soufrans e port lo li nou maladi.

Mark 15:15

Pour satisfer lafoul, Pilat ti larg Barabas. I ti fer fwet Zezi e livre li dan zot lanmen, pour li ganny krisifye.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Levanzil dapre Zan 19:1

Alor, Pilat ti fer Zezi sorti e ordonnen ki i ganny fwete.

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Akt de Zapot 10:39

E nou, nou temwen tou sa ki i'n fer dan pei bann Zwif e dan Zerizalenm. I ti ganny touye, kloute lo en lakrwa.

Akt de Zapot 13:29

Apre ki zot ti'n akonpli tou sa ki Lekritir ti'n anonse lo son size, zot ti tir li lo lakrwa e met li dan en tonbo.

Akt de Zapot 5:30

Bondye nou bann zanset in resisit sa Zezi ki zot, zot in met anmor lo lakrwa.

Romen 6:11

Se pour sa rezon ki zot osi, zot devre konsider zot koman mor pour pese, me vivan pour Bondye, ini avek Zezi-Kri.

Romen 6:13

Pa les pese servi bann diferan parti zot lekor koman bann lenstriman pour fer sa ki mal. O kontrer, met zot lekor dan servis Bondye, koman dimoun ki ti'n mor e ki'n resisite. Met zot lekor antye dan servis Bondye pour akonpli sa ki zis.

Romen 6:16

Zot konn tre byen: Si zot met zot anba servis en dimoun pour obeir li, zot vin lesklav sa met ki zot obeir. E sa met i swa pese ki anmenn lanmor, swa lobeisans ki anmenn lazistis.

Romen 6:2

Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Romen 6:22

Me aprezan zot in ganny libere avek pese, e zot in vin dan servis Bondye. Zot pe prodwi fri en lavi sen e son rekonpans final se lavi eternel.

Romen 6:7

Annefe, en dimoun ki'n mor, i'n ganny libere anba pouvwar pese.

Romen 7:6

Me aprezan, nou'n ganny libere konsernan Lalwa. Annefe, nou'n mor vizavi sa ki ti pe gard nou prizonnyen. Alor nou kapab servi Bondye dan en nouvo fason, anba lotorite Lespri Sen. Nou nepli servi li dan vye fason, kan nou ti anba lotorite Lalwa.

1 Korentyen 15:3

Mon'n transmet zot, avan tou, lansennyman ki mwan menm mon'n resevwar. Parey Lekritir in deklare: Kris in mor pour nou pese

2 Korentyen 6:17

Pour sa rezon, sorti parmi zot, e separe avek zot, Senyer i deklare. Pa tous okenn keksoz enpir, e mon ava resevwar zot.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Efezyen 5:9

akoz lalimyer i prodwi bokou kalite: Labonte, ladrwatir, ek laverite.

Filipyen 1:11

Alor, zot lavi ava ranpli avek bann fri lazistis ki Zezi-Kri i prodwir, pour mazeste ek louanz Bondye.

Kolosyen 2:14

In efas sa lakt lakizasyon, avek tou son bann lobligasyon ki ti kont nou; in fer li disparet par klout li lo lakrwa.

Kolosyen 2:20

Si zot in mor avek Kris, zot in ganny libere avek bann lespri ki kontrol lemonn. Alor, akoz zot pe viv konmsi zot ankor fer parti lemonn e aksepte bann regleman ki ganny enpoze lo zot:

Kolosyen 3:3

Annefe, zot in mor e zot lavi i kasyet avek Kris, dan Bondye.

Ebre 10:10

Zezi-Kri in fer lavolonte Bondye. I'n ofer li menm en fwa pour tou. Konmsa ki nou pese in ganny pardonnen.

Ebre 10:5

Se pour sa rezon, kan Kris ti pe vin dan lemonn, i ti dir Bondye: Ou pa oule ni sakrifis, ni lofrann, me ou'n prepar en lekor pour mwan.

Ebre 12:13

Fer bann santye byen drwat pour zot lipye, pour ki sa enn ki bwete pa deranz son lipye, me plito ki i geri.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

1 Zan 3:7

Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.